Ի՞նչպիսին է քրիստոնեության դիրքորոշումը ինքնասպան մարդու հանդեպ

Հարց.

Ի՞նչպիսին է քրիստոնեության դիրքորոշումը ինքնասպան մարդու հանդեպ։

Պատասխան.

Ինքնասպանությունը մի վիճակ է, երբ մարդ անհուսությունից կանգնել է փակուղու առջեւ, եւ միակ ելքը համարում է իր վրա ձեռք բարձրացնելու ճանապարհը: Ինքնին անհուսությունն արդեն անհավատություն է Աստծո նկատմամբ: Հավատացյալ մարդը հույսն Աստծուն է դնում եւ վստահ է, որ եթե մի դուռ փակվեց իր առջեւ այսօր, ապա վաղը հաստատ բացվելու է նորը եւ Աստված իրեն չի լքի… ինքնասպանը չի հավատում Աստծուն, նրան չի վստահում, մտքով անգամ չի անցում անել դա, եւ ուրիշ ելք չգտնելով՝ վերջ է տալիս իր կյանքին… Նախ անարգում է Աստծուն իր անհավատությամբ, հետո ձեռք է բարձրացնում իր մարմնի՝ իմա Աստուծո տաճարի, եւ Աստծո տված կյանքի վրա… Այսքանից հետո ինչպիսի՞ն կլինի քրիստոնեության դիրքորոշումը ինքնասպանի հանդեպ… թողնում եմ ընթերցողի հայեցողությանը…

Հարցին պատասխանեց Մեծ Պարնիի եւ տարածաշրջանի հոգեւոր հովիվ Տեր Ատոմ քահանա Ասատրյանը

Շարունակել կարդալ

Չմկրտված մարդը համարվո՞ւմ է քրիստոնյա

Հարց.
Չմկրտված մարդը համարվո՞ւմ է քրիստոնյա։

Պատասխան.

Մարդն ինքն իրեն կարող է համարել քրիստոնյա, ամեն տեղ ասել դա, սակայն մեր համոզմամբ իսկական քրիստոնյան այն չէ, որ իրեն այդպես է անվանում, այլ այն, որ ապրում է քրիստոնեավայել: Կարելի է ավետարանական թզենու նման գեղեցիկ ծառ լինել, փարթամ տերեւներ ունենալ, սակայն լինել անպտուղ եւ արժանանալ մեր Տիրոջ՝ Հիսուս Քրիստոսի անեծքին… այդպիսին է իրեն քրիստոնյա անվանող՝ սակայն այդ կյանքով չապրող մարդը… Իսկ ինչ վերաբերում է մկրտված կամ չմկրտված լինելուն… մկրտվում է նա՝ ով հավատում է, թե Հիսուսն է Քրիստոսը… եւ եթե հավատում է, եւ ապրում է այդ հույսով, ուրեմն նա ունի հնարավորություն երկնքի արքայություն մտնելու, քանզի այդ հնարավորթյունը տալիս է երկրորդ ծնունդը ջրից եւ Սուրբ Հոգուց… Իսկ եթե մարդն այսպես թե այնպես հնարավորություն չունի մտնելու արքայություն, այսինքն մկրտված չէ, ապա նա ինչքան էլ իրեն քրիստոնյա համարի, ապրի շատերից ավելի պարկեշտ կյանքով…. Միեւնույն է, նա չունի մուտքի տոմս՝ որ է մկրտությունը, քանզի ինչպես Հովհաննու ավետարանի մեջ Հիսուսն ասում է Նիկոդեմոսին. Մարմնից ծնվածը մարմին է, Հոգուց ծնվածը հոգի… մարմինը չէ, որ կարող է մտնել երկնքի արքայություն, այլ հոգին…

Հարցին պատասխանեց Մեծ Պարնիի եւ տարածաշրջանի հոգեւոր հովիվ Տեր Ատոմ քահանա Ասատրյանը

Շարունակել կարդալ

Ո՞րն է կրոնական հանդուրժողականությունը

Հարց.
Ո՞րն է կրոնական հանդուրժողականությունը։
Արդյոք դա մուսուլմանի հանդեպ հանդուրժողականությունն է, թե կրոնական այս կամ այն կազմակերպության անդամի։

Պատասխան.

Ինձ թվում է, որ կրոնական հանդուրժողականությունն այն է, երբ քրիստոնյան հարգում է դիմացինի կրոնական ուղղվածության ընտրությունը, սակայն նա հաստատուն է ի՛ր հավատքի մեջ: Քրիստոնյան վստահ է, որ փրկության միակ ճանապարհը Քրիստոսն է, որն ասաց «Ես եմ դուռը…» ուրիշ ոչ մեկը դա չասաց… այդ իսկ պատճառով, երբ առաջին դարերում ընդունված եւ սովորական բան էր ուրիշ աստվածների ներմուծումը հռոմեական աստվածների պանթեոնի մեջ, միակը քրիստոնյաներն էին, որ ասացին. – Մեր Աստվածը միակ կենդանի Աստվածն է, եւ նա է մեր փրկության ճանապարհը, մի խառնեք ձեր կուռքերի հետ..- այս պատճառով էլ քրիստոնյաները դարձան հալածման թիրախ հեթանոսների մեջ: Սովորական դարձան նրանց կոտորածները Հռոմում եւ նրա կրկեսներում՝ վայրի կենդանիների հոշոտման առարկա դառնալով, սակայն այնքան պարզ եւ այնքան վստահ էին իրենց հավատքի մեջ քրիստոնյաները, որ անգամ այդ դեպքում ամբողջ ընտանիքներով գնում էին նահատակության… ուրախությամբ… իսկ հանդիսատեսը լսելով կենդանիների ատամների տակ ճայթող նրանց ոսկորների ձայնը՝ ինքն իրեն հարց էր տալիս… իսկ եթե նրանք ճիշտ են… ու հարյուրներով քրիստոնյա էին դառնում…

Վերեւում ասացի, ցանկացած կրոնական ուղղվածության, այդ թվում նաեւ մուսուլմանների, իսկ ինչ վերաբերվում է աղանդավորական կազմակերպություններին, որոնք գործում են մեր երկրում, ապա դա այսօրվա մեր պայքարի հրամայականն է… իսկ ինչպե՞ս պայքարել… Նախ ասեմ, որ աղանդավորական կազմակերպությունների գոյությունը մեր երկրում միտում ունի քայքայել մեր հասարակությունը եւ ըստ այդմ հանդիսանում է մեր երկրի անվտանգությանը սպառնացող մի հանգամանք: Եւ քանի որ անիմաստ է ուժի միջոցով պայքարել դրանց դեմ, ապա մնում է միակ, շատ դժվար բայց ամենաճիշտ տարբերակը… մենք՝ հոգեւորականներս պետք է մեր գործն ավելի լավ եւ ավելի եռանդուն կատարենք, ամեն տեղ քայլող քարոզ պիտի լինենք, եւ մեր հոգածության ամենաառաջին առարկան հենց աղանդավորը պետք է լինի, վերջ ի վերջո նա մեր մոլորված եղբայրն է… ո՛չ մի բռնության գործադրում… միայն խոսքով… եւ եթե չեն հասկանա խոսքով, ապա ուղղակի պետք է հեռանալ նրանցից եւ առավել եռանդով շարունակել ուրիշների հետ… ով հասկանա եւ դառնա, նա գոնե փրկված կլինի, եւ կդադարի աշխատել հօգուտ դրսի ինչ-ինչ ուժերի…

Հարցին պատասխանեց Տեր Ատոմ քահան Ասատրյանը

Շարունակել կարդալ

ՀԻՇԻՐ ԱՐԱՐՉԻԴ ԵՐԻՏԱՍԱՐԴՈՒԹՅԱՆԴ ՕՐԵՐԻՆ

Հայ Առաքելական եկեղեցու Գուգարաց թեմի երիտասարդական կազմակերպությունը (ՀԱԵԳԹԵԿ) հիմնադրվել է թեմի ստեղծման հետ միասին` թեմակալ առաջնորդ բարձրաշնորհ Տեր Սեպուհ արքեպիսկոպոս Չուլջյանի նախաձեռնությամբ: Ստորև ներկայացնում ենք ՀԱԵԳԹԵԿ Կենտրոնական խորհրդի անդամ Վահե-Դավիթ Խաչիկյանի հետ ունեցած հարցազրույցը:

- Ի՞նչ է իրենից ներկայացնում ՀԱԵԳԹԵԿ-ը:

- ՀԱԵԳԹԵԿ կառույցն իր մեջ ընդգրկում է թեմի  11 համայնքների և Վանաձորի եկեղեցասեր երիտասարդաց միությունները: ՀԱԵԳԹԵԿ հոգևոր պատասխանատուն է Գուգարաց թեմի առաջնորդ, բարձրաշնորհ Տեր Սեպուհ արքեպիսկոսպոս Չուլջյանը:  Յուրաքանչյուր միություն գործում է տվյալ համայնքի եկեղեցու անվամբ և տեղի հոգևորականի առաջնորդությամբ:

-  Ո՞րն է ՀԱԵԳԹԵԿ հիմնական նպատակը:

-  Հայաստանում եկեղեցասեր երիտասարդաց միությունները հիմնվել են 2001 թվականին: Գլխավոր համակարգող կառույցը համարվում է Հայ եկեղեցու երիտասարդաց միավորումը: ՀԱԵԳԹԵԿ առաքելությունը  թեմի  երիտասարդությանը քրիստոնեական  արժեքների  շուրջ համախմբելն  ու  միաբանելն է` ըստ Առաքելական եկեղեցու վարդապետության:

-  Երբվանի՞ց ես  ՀԱԵԳԹԵԿ անդամ:

-  2010 թվականի դեկտեմբերից անդամակցում եմ Վանաձորի «Նարեկացի» երիտասարդաց միությանը, իսկ 2011 թվականի օգոստոսից ՀԱԵԳԹԵԿ Կենտրոնական խորհրդի անդամ եմ:

-  Այդ ժամանակատահվածում ի՞նչ ծրագրեր է իրականացրել թեմի երիտասարդական կազմակերպությունը, և ըստ քեզ` ո՞րն է դրանցից ամենահաջողվածը:

-  Այս տարիների ընթացքում բազմաթիվ ծրագրեր ենք իրականացրել: Առավել հաջողվածներից կարող եմ նշել, որ մի շարք համայնքներում երիտասարդաց միություններին կից պատանեկան թևեր են ձևավորվել, 2011թ. դեկտեմբերից սկսած` Վանաձորում և այլ համայնքներում «Ձեռք մեկնիր» բարեգործական ծրագրի շրջանակներում օգնություն ենք ցուցաբերել մի շարք անապահով ընտանիքների, 2013 թվականի ամռանը թեմապատկան «Ծիծեռնակ» ճամբարում կազմակեպեցինք հոգևոր-երիտասարդական ճամբար, որին մասնակցում էին ՀԱԵԳԹԵԿ անդամ երիտասարդաց միությունների  ներկայացուցիչները: Ծրագրերն իրականացվել են ՀԱԵԳԹԵԿ Կենտրոնական խորհրդի նախաձեռնությամբ և դրանցից շատերը շարունակական բնույթ են կրում:

-  Քանի որ խոսք եղավ  «Ձեռք մեկնիր»  բարեգործական ծրագրից կցանկանայի, որ մի փոքր պատմեիր դրա մասին:

- «Ձեռք մեկնիր» բարեգործական ծրագիրն իրականացվում է 2011 թվականից: Ծրագրի հիմնական նպատակն է օգնել թեմից ներս ապրող անապահով ընտանիքներին: Ծրագրի շրջանակներում ընտրում ենք  անապահով ընտանիքների, որոնք իսկապես օգնության կարիք ունեն, կազմակերպում ենք հանգանակություն, հագուստի և սննդի հավաքագրում: Հանգանակություններից հավաքված գումարով ձեռք ենք բերում սնունդ, հիգիենայի պարագաներ, գրենական պիտույքներ և այլ իրեր, որոնք միառժամանակ քիչ, թե շատ  կբարելավեն այդ ընտանիքների սոցիալական վիճակը: Ծրագիրը մեծ արձագանք գտավ և հաջողություն ունեցավ, այդ իսկ պատճառով որոշեցինք այն դարձնել շարունակական: Այս պահին էլ ծրագիրն ընթացքի մեջ է:

-  Ծրագրերն իրականացնելիս, բացի հանգանակաություններից, ֆինանսական այլ օժանդակություն ստանու՞մ եք:

- Որևէ մշտական ֆինանսավորող աղբյուր չունենք: Ծրագրերը հիմանականում իրակացնում ենք ինքնաֆինանսավորմամբ  և Գուգարաց թեմի առաջնորդարանի օժանդակությամբ: Մեծ մասշտաբի ծրագրերի ժամանակ օժանդակություն են ցուցաբերում նաև եկեղեցիների խաչքավորները: Այստեղ չեմ կարող չնշել թեմակալ առաջնորդ բարձրաշնորհ Տեր Սեպուհ արքեպիսկոպոս  Չուլջյանի անունը, ում  մշտական  աջակցությունն ու հայրական խնամքը  անպակաս են մեր գործունեությունից:

- Այլ թեմերի երիտասարդաց միությունների հետ համագործակցու՞մ եք:

- Այո, իհարկե: Իրականացրել ենք մի շարք ծրագրեր  Շիրակի թեմի երիտասարդաց միության հետ, համագործակցում ենք նաև ՀԵԵՄ կենտրոնական գրասենյակի  հետ: Մենք, ընդհանրապես, շատ ենք կարևորում այլ թեմերի երիտասարդաց միությունների հետ համագործակցությունը, քանի որ կատարում ենք փորձի փոխանակում, ձեռք ենք բերում նոր գաղափարներ, որոնք իրականացնում ենք թեմում:

-  Ապագայում ի՞նչ ծրագրեր եք նախատեսում:

- Ամռանը նախատեսում ենք կազմակերպել «Հիշի´ր Արարչիդ երիտասարդությանդ օրերին»  խորագրով ծրագիրը, որի ընթացում կկազմակերպենք երիտասարդական ճամբար ՀԱԵԳԹԵԿ անդամ երիտասարդաց միությունների ներկայացուցիչների մասնակցությամբ, կվերաձևավորենք Կենտրոնական խորհուրդը և կմշակենք առաջիկայում իրականացվելիք ծրագրերի փաթեթ: Նշեմ նաև, որ ներկայումս ընթացքի մեջ է «Ձեռք մեկնիր եղբորդ» դրամահավաք ակցիան, որը նախաձեռնել է թեմակալ առաջնորդը: Ծրագրի ընթացքում տպագրվել են անվանական բացիկներ, որոնց վաճառքից գոյացած գումարով ձեռք է բերվելու բնակարան Վանաձորի Սանկտ-Պետերբուրգ տնակային ավանում բնակվող Քալաշյան ընտանիքի համար:

-  Շնորհակալություն:

Նյութը` ՄԱՐԻԱՄ ՆԱԼԲԱՆԴՅԱՆԻ

Շարունակել կարդալ

ՀԱԵԳԹԵԿ Վանաձորի ՆԱՐԵԿԱՑԻ երիտասարդաց միության ՁԵՌՔ ՄԵԿՆԻՐ բարեգործական ծրագրի ամփոփում

ԱՌԱՎԵԼ ԵՐԱՆԵԼԻ Է ՏԱԼԸ, ՔԱՆ ԱՌՆԵԼԸ

 

Օրհնությամբ Գուգարաց թեմի առաջնորդ բարձրաշնորհ Տեր Սեպուհ արքեպիսկոպոս Չուլջյանի` Վանաձորի <<Նարեկացի>> երիտասարդաց միությունը արդեն 3-րդ տարին կազմակերպեց <<ՁԵՌՔ ՄԵԿՆԻՐ>> բարեգործական ծրագիրը, որի շրջանակներում օգնեց 50 և ավել անապահով ընտանիքների:

Ծրագիրն արդեն ավարտված է: Արդյունքում.

Գանձանակներ տեղադրվեցին քաղաքի 21 դպրոցներում, 5 բուհերում, Արդչինինվեստ և Բիբլոս բանկերի վանաձորյան մասնաճյուղերում, Սանկտ-Պետերբուրգ խմիչքի խանութում, Սմայլ սուպերմարկետում, <<Դբա լավը>> և <<Ժպիտ>> հագուստի խանութներում և <<Նարեկացի>> երիտասարդաց միության գրասենյակում:

Արդյունքում բոլոր գանձանակներից և անհատ բարերարներից հավաքվեց – 600.000 դրամ(ներառյալ Երուսաղեմի Ժառանգավորաց վարժարանի և ընծայարանի սաների փոխանցած հանգանակությունը` 400.000 դրամ):

Արտադրամասերից ծրագրին ձեռք մեկնեցին <<Գլորիա>> կարի ֆաբրիկան (տղամարդու 5 հատ ձեմռային վերարկու, փոքրիկ տղա երեխայի 5 կոստյում և կանացի կարճաթև շապիկներ), <<Սարտոն>> կարի ֆաբրիկան (տղամարդու 25 տաբատ), <<Բազում>> կարի արտադրամաս(մանկական 5 ձմեռային վերարկու), <<Կաթնագործ>> կաթնամթերքի արտադրամասը(50 տուփ սմետան), <<Դիետ>> կաթնամթերքի արտադրամասը(50 տուփ սմետան, 50լ կաթ, 50 շիշ մածուն), <<Հելեն-Արթ>> հրուշակեղենի արտադրամասը(2 արկղ կոնֆետ, 2 արկղ թխվածքաբլիթ) և <<Հարատիդ>> զովացուցիչ ըմպելիքների արտադրամասը(60 շիշ լիմոնադ, 30 շիշ գազավորված հյութ): Հագուստ տրամադրեց նաև <<Ժպիտ>> հագուստի խանութը:

Ձեռնարկություններից զատ` ծրագրին աջակցեց նաև Վանաձորի Սբ Սարգիս եկեղեցու խաչքավոր Արմեն Կարապետյանը: Վերջինիս ֆինանսավորմամբ(50.000 դրամ) երիտասարդները գրենական պիտույքներ գնեցին բազմազավակ ընտանիքների երեխաների համար:

Ծրագրի շրջանակներում երիտասարդաց միության անդամները սննդի համար նախատեսված արկղեր տեղադրեցին <<Սպարապետ>>, <<Գրին Պլազա>>, <<Տրիո>>, <<Ոսկյա>>, <<Սմայլ>> խանութներում:

Հավաքված 600.000 դրամին գնվեց.

50 պարկ ալյուր(3կգ-ոց)- 125.000 դրամ

1 պարկ շաքարավազ(50կգ-ոց), որը խանութներից հավաքված շաքարավազի հետ բավականացրեց յուր. ընտանիքի բաժանելու 2-ական կգ – 18.000 դրամ

150կգ կարտոֆիլ-յուրաքանչյուր ընտանիքի 3-ական կգ- 12.000 դրամ

15 հատ ձեթ, քանի որ խանութներից հավաքվածը բավարար չէր- 15.900 դրամ

100 հատ մեծ և 50 հատ փոքր պոլիէթիլենային տոպրակ – 14.000 դրամ

Տպագրական աշխատանք - 20.000 դրամ

Ծրագրի համար նախատեսված գանձանակների և սննդի արկղերի պատրաստման համար փաթեթներ, սկոչներ – 14.000 դրամ

Հատկացվեց գումար նաև տաքսի ծառայություններին` առևտուրը միություն փոխադրելու և քաղաքում գնումներ կատարելու համար- 9.000 դրամ

Ընդհանուր ծախսվել է` 227 900 դրամ

Մնացորդը` 373 100 դրամ, որն էլ նախատեսում ենք ծախսել ծրագրի հաջորդ փուլում` Սբ Հարության տոնին` ձեռք մեկնելով քաղաքի 20 կարիքավոր ընտանիքներին:

Ծրագրի շրջանակներում յուրաքանչյուր ընտանիքի ըստ անհրաժեշտի տրվել են`

1 պարկ ալյուր

2կգ շաքարավազ

3կգ կարտոֆիլ

1շիշ ձեթ, 1 տուփ աղ

4-6տուփ(կախված ընտանիքի մեծությունից) մակարոնեղեն

2կգ ոսպ

2կգ բրինձ

1կգ գրեչկա/գարոխ/ձավար

1-2տուփ խտացրած կաթ

2 տուփ սմետան

1 շիշ մածուն

1լ կաթ

Թխվածքաբլիթներ, կոնֆետներ, փոքրիկներին նաև ամանորյա տոպրակներ

ատամի խոզանակ(քանակը կախված ընտանիքի անդամների թվից) և օճառ

Գրենական պիտույքներից`

Գրիչ, մատիտ, տետրեր, գունավոր գրիչներ և մատիտներ, նկարչական ալբոմներ, գունավոր թղթեր, քանոն, ռետին, սրիչ, գրչատուփ/ 5 ընտանիքի նաև դպրոցական պայուսակներ:

Ընտանիքներին` ըստ անհրաժեշտի տրվեց նաև հագուստ:

Եկեղեցիների Համաշխարհային Խորհրդի հայաստանյան Կլոր սեղան հիմնադրամի կողմից (850.000 դրամ) տրվեցին 10.000-20.000-ական դրամ օգնություն Գուգարաց թեմի Վանաձոր քաղաքի 20, Շահումյան գյուղի 10 և Վարդաբլուր ու Կուրթան գյուղերի շուրջ 15 ընտանիքներին` վառելափայտի, կոմունալ ծախսերի, կամ իրենց անհրաժեշտ պետքերի բավարարման համար:

Ծրագրի արդյունքում կուտակված պաշարից և գումարից մնաց`

2 արկղ երկրորդ ձեռք խառը հագուստ-կանացի, տղամարդու և երեխայի վերարկուներ, տաբատներ և կարճաթև ամառային շապիկներ, որոնք ընտանիքներին կբաժանվեն ծրագրի հաջորդ փուլում` Սբ Հարության տոնին ընդառաջ, քանզի ծրագիրը շուրջտարյա է:

373 100 դրամ, որն էլ նախատեսում ենք ծախսել դարձյալ ծրագրի հաջորդ փուլում` Սբ Հարության տոնին` ձեռք մեկնելով քաղաքի 20 կարիքավոր ընտանիքներին:

Նյութի հեղինակ՝ <<Ձեռք մեկնիր>> բարեգործական ծրագրի պատասխանատու` Էմմա Գրիգորյան

Տեսանյութ 1՝  այստեղ
Տեսանյութ  2՝ այստեղ 

Նյութը՝  http://gugaratstem.blogspot.com/p/blog-page_9.html

Շարունակել կարդալ

Սբ Սարգսի տոնը Վանաձորում (Ֆոտոշարք)

Փ»ïñí³ñÇ 15-Çݪ êµ ê³ñ·Çë ¼áñ³í³ñÇ ïáݳϳï³ñáõÃÛ³Ùµ: ²Ûë ûñÁ ì³Ý³ÓáñÇ êµ ê³ñ·Çë »Ï»Õ»óáõÙ Ù³ïáõóí»ó êµ ä³ï³ñ³·ª Ó»é³Ùµ î»ñ êï»÷³Ýáë ù³Ñ³Ý³ سñ·³ñÛ³ÝÇ, áñÇó Ñ»ïá Ã»Ù³Ï³É ³é³çÝáñ¹Á ϳï³ñ»ó »ñÇï³ë³ñ¹Ý»ñÇ ûñÑÝáõÃÛ³Ý Ï³ñ·: ÆÝãå»ë ݳËáñ¹ ï³ñÇÝ»ñÇÝ, ³Ûë ï³ñÇ ¨ë Ù³ñ¹³ß³ï ¿ñ êµ ê³ñ·Çë »Ï»Õ»óáõ µ³ÏÁ, áñï»Õ ѳí³ùí³Í »ñÇï³ë³ñ¹Ý»ñÝ Çñ»Ýó ³ÕáÃùÝ ³é ²ëïí³Í µ³ñÓñ³óÝ»Éáõó ¨ ûñÑÝáõÃÛáõÝ ëï³Ý³Éáõó ½³ïª »Ï»É ¿ÇÝ »ñÇï³ë³ñ¹Ý»ñÇ ûñÑÝáõÃÛ³Ý ûñÁ ïáÝ»Éáõ: ì³Ý³ÓáñÇ §Ü³ñ»Ï³óǦ »ñÇï³ë³ñ¹³ó ÙÇáõÃÛáõÝÁ ϳ½Ù³Ï»ñå»É ¿ñ ѳٻñ·-ÙÇçáó³éáõÙª ѳ·»ó³Í »ñ·»ñáí áõ å³ñ»ñáí, ѳ׻ÉÇ ³Ý³ÏÝϳÉÝ»ñáí áõ ˳ջñáí: Ü»ñϳݻñÇÝ µ³Å³Ýí»óÇÝ ÷áËÝÓ³µÉÇÃÝ»ñ, êµ ê³ñ·Çë ¼áñ³í³ñÇÝ áõÕÕí³Í ³ÕáÃùÝ»ñ, ÷áùñÇÏ ·ñùáõÛÏÝ»ñ, áñï»Õ Ý»ñϳ۳óí³Í ¿ÇÝ êµ ê³ñ·Çë ¼áñ³í³ñÇ ïáÝÁ, ݳ˳å³ïÙáõÃÛáõÝÁ ¨ ËáñÑáõñ¹Á: гí³ñï ÙÇçáó³éٳݪ Ý»ñϳݻñÇÝ Çñ µ³ñ»Ù³ÕóÝùÝ»ñÁ ÑÕ»ó êµ ê³ñ·Çë ¼áñ³í³ñÇ ËáñÑñ¹³Ýß³Ï³Ý Ï»ñå³ñÁ: ØÇçáó³éÙ³Ý ³í³ñïÇÝ êµ ê³ñ·Çë »Ï»Õ»óáõ ˳ãù³íáñ ²ñÙ»Ý Î³ñ³å»ïÛ³ÝÇ ÏáÕÙÇó Ù³ïáõóí»ó áõËïÇ Ù³ï³Õ:

  

Տեսանյութը    այստեղ
Ֆոտոշարքը` Լիլիթ Յոլչյանի

Շարունակել կարդալ

ՍԵՐԸ ԵՐԲԵՔ ՉԻ ԱՆՀԵՏԱՆՈՒՄ . Սբ Սարգիսի տոնը Վանաձորում

ՄԻԱՍԻՆ ՏՈՆԵՆՔ ԵՐԻՏԱՍԱՐԴՆԵՐԻ ՕՐՀՆՈՒԹՅԱՆ ՕՐԸ
Փետրվարի 15-ին` Սուրբ Սարգիս զորավարի տոնին, որ հռչակված է Երիտասարդների օրհնության օր, ժամը 11:00-ին հրավիրում ենք Վանաձորի Սուրբ Սարգիս եկեղեցում մասնակցելու Սուրբ պատարագի միասնական աղոթքին և ստանալու օրհնություն:

Պատարագի ավարտին եկեղեցու բակում` Առաջնորդարանին կից, ժամը 12:00-ին տեղի կունենա համերգ-միջոցառում:

Միջոցառումը հագեցած կլինի բազմաթիվ անակնկալներով.
ընթացքում ներկաներին գեղեցիկ բացիկներ կբաժանի և իր շնորհավորանքի խոսքը կհղի խորհրդանշական Սբ Սարգիս զորավարը.
բակը կզարդարվի նաև ձեռագործ աշխատանքների ցուցահանդես-վաճառքով:

<<ՍԵՐԸ ԵՐԲԵՔ ՉԻ ԱՆՀԵՏԱՆՈՒՄ>>
Ա.Կորնթ. ԺԳ8
Սբ Սարգիս Զորավարի տոնին կազմակերպվելիք միջոցառմանը, որն անցկացվելու է Վանաձորի Սբ Սարգիս եկեղեցու բակում, նախատեսվում է կազմակերպել նաև ձեռագործ աշխատանքների ցուցահանդես-վաճառք: Բոլոր նրանք, ովքեր կցանկանան իրենց աշխատանքները ևս ներկայացնել միջոցառմանը (նկարներ, քանդակներ և այլ ձեռագործ աշխատանքներ), կարող են դիմել <<Նարեկացի>> երիտ. միություն կամ զանգահարել 094 52 54 65 հեռ.համարով:

Շարունակել կարդալ