ՀԱՅ ԱՌԱՔԵԼԱԿԱՆ ԵԿԵՂԵՑՈՒ ԳՈՒԳԱՐԱՑ ԹԵՄԻ ԵՐԻՏԱՍԱՐԴԱԿԱՆ ԿԱԶՄԱԿԵՐՊՈՒԹՅԱՆ ՊԱՇՏՈՆԱԿԱՆ ԼՈԳՈՆ

ՀԱԵԳԹԵԿ 3-ՐԴ ԿԵՆՏՐՈՆԱԿԱՆ ԽՈՐՀՐԴԻ ԱՆԴԱՄՆԵՐԻ ՀԱՆԴԻՊՈՒՄԸ ԳՈՒԳԱՐԱՑ ԹԵՄԻ ԱՌԱՋՆՈՐԴԻ և ԹԵՄԻ ՀՈԳևՈՐԱԿԱՆՆԵՐԻ ՀԵՏ

ԵՐԻՏԱՍԱՐԴՆԵՐՆ ԵՆ ՄԵՐ ԵՐԿՐԻ ԱՊԱԳԱՆ... ԻՐ ԽՈՍՔՈՒՄ ՆՇԵՑ ԹԵՄԱԿԱԼ ԱՌԱՋՆՈՐԴԸ

Վանաձորի Սբ Գր. Նարեկացի եկեղեցու դահլիճում ՀԱԵԳԹԵԿ անդամների հանդիպումը Սեպուհ սրբազանի հետ 2011թ.)

ՀԱԵԳԹԵԿ անդամների միասնական նկարը Գերաշնորհ Սրբազանի և թեմի Հոգևոր Դասի հետ (2011թ.)

ՀԱԵԳԹԵԿ Միությունների Ատենապետերի զեկույցների հանձնումը Բարձրաշնորհ Սեպուհ արք. Չուլջյանին (2011թ.)

Միասնական աղոթք բոլոր համայնքների ԵԵՄ-ների մասնակցությամբ Վանաձորի Սբ Գր. Նարեկացի եկեղեցում (2011թ.)

воскресенье, 25 мая 2014 г.

ՀԻՇԻՐ ԱՐԱՐՉԻԴ ԵՐԻՏԱՍԱՐԴՈՒԹՅԱՆԴ ՕՐԵՐԻՆ




Հայ Առաքելական եկեղեցու Գուգարաց թեմի երիտասարդական կազմակերպությունը (ՀԱԵԳԹԵԿ) հիմնադրվել է թեմի ստեղծման հետ միասին` թեմակալ առաջնորդ բարձրաշնորհ Տեր Սեպուհ արքեպիսկոպոս Չուլջյանի նախաձեռնությամբ: Ստորև ներկայացնում ենք ՀԱԵԳԹԵԿ Կենտրոնական խորհրդի անդամ Վահե-Դավիթ Խաչիկյանի հետ ունեցած հարցազրույցը:





- Ի՞նչ է իրենից ներկայացնում ՀԱԵԳԹԵԿ-ը:
- ՀԱԵԳԹԵԿ կառույցն իր մեջ ընդգրկում է թեմի  11 համայնքների և Վանաձորի եկեղեցասեր երիտասարդաց միությունները: ՀԱԵԳԹԵԿ հոգևոր պատասխանատուն է Գուգարաց թեմի առաջնորդ, բարձրաշնորհ Տեր Սեպուհ արքեպիսկոսպոս Չուլջյանը:  Յուրաքանչյուր միություն գործում է տվյալ համայնքի եկեղեցու անվամբ և տեղի հոգևորականի առաջնորդությամբ:
Ո՞րն է ՀԱԵԳԹԵԿ հիմնական նպատակը:
Հայաստանում եկեղեցասեր երիտասարդաց միությունները հիմնվել են 2001 թվականին: Գլխավոր համակարգող կառույցը համարվում է Հայ եկեղեցու երիտասարդաց միավորումը: ՀԱԵԳԹԵԿ առաքելությունը  թեմի  երիտասարդությանը քրիստոնեական  արժեքների  շուրջ համախմբելն  ու  միաբանելն էըստ Առաքելական եկեղեցու վարդապետության:
-  Երբվանի՞ց ես  ՀԱԵԳԹԵԿ անդամ:
-  2010 թվականի դեկտեմբերից անդամակցում եմ Վանաձորի «Նարեկացի» երիտասարդաց միությանը, իսկ 2011 թվականի օգոստոսից ՀԱԵԳԹԵԿ Կենտրոնական խորհրդի անդամ եմ:
-  Այդ ժամանակատահվածում ի՞նչ ծրագրեր է իրականացրել թեմի երիտասարդական կազմակերպությունը, և ըստ քեզ` ո՞րն է դրանցից ամենահաջողվածը:
-  Այս տարիների ընթացքում բազմաթիվ ծրագրեր ենք իրականացրել: Առավել հաջողվածներից կարող եմ նշել, որ մի շարք համայնքներում երիտասարդաց միություններին կից պատանեկան թևեր են ձևավորվել, 2011թ. դեկտեմբերից սկսած` Վանաձորում և այլ համայնքներում «Ձեռք մեկնիր» բարեգործական ծրագրի շրջանակներում օգնություն ենք ցուցաբերել մի շարք անապահով ընտանիքների, 2013 թվականի ամռանը թեմապատկան «Ծիծեռնակ» ճամբարում կազմակեպեցինք հոգևոր-երիտասարդական ճամբար, որին մասնակցում էին ՀԱԵԳԹԵԿ անդամ երիտասարդաց միությունների  ներկայացուցիչները: Ծրագրերն իրականացվել են ՀԱԵԳԹԵԿ Կենտրոնական խորհրդի նախաձեռնությամբ և դրանցից շատերը շարունակական բնույթ են կրում:
-  Քանի որ խոսք եղավ  «Ձեռք մեկնիր»  բարեգործական ծրագրից կցանկանայի, որ մի փոքր պատմեիր դրա մասին:
- «Ձեռք մեկնիր» բարեգործական ծրագիրն իրականացվում է 2011 թվականից: Ծրագրի հիմնական նպատակն է օգնել թեմից ներս ապրող անապահով ընտանիքներին: Ծրագրի շրջանակներում ընտրում ենք  անապահով ընտանիքների, որոնք իսկապես օգնության կարիք ունեն, կազմակերպում ենք հանգանակություն, հագուստի և սննդի հավաքագրում: Հանգանակություններից հավաքված գումարով ձեռք ենք բերում սնունդ, հիգիենայի պարագաներ, գրենական պիտույքներ և այլ իրեր, որոնք միառժամանակ քիչ, թե շատ  կբարելավեն այդ ընտանիքների սոցիալական վիճակը: Ծրագիրը մեծ արձագանք գտավ և հաջողություն ունեցավ, այդ իսկ պատճառով որոշեցինք այն դարձնել շարունակական: Այս պահին էլ ծրագիրն ընթացքի մեջ է:
-  Ծրագրերն իրականացնելիս, բացի հանգանակաություններից, ֆինանսական այլ օժանդակություն ստանու՞մ եք:
- Որևէ մշտական ֆինանսավորող աղբյուր չունենք: Ծրագրերը հիմանականում իրակացնում ենք ինքնաֆինանսավորմամբ  և Գուգարաց թեմի առաջնորդարանի օժանդակությամբ: Մեծ մասշտաբի ծրագրերի ժամանակ օժանդակություն են ցուցաբերում նաև եկեղեցիների խաչքավորները: Այստեղ չեմ կարող չնշել թեմակալ առաջնորդ բարձրաշնորհ Տեր Սեպուհ արքեպիսկոպոս  Չուլջյանի անունը, ում  մշտական  աջակցությունն ու հայրական խնամքը  անպակաս են մեր գործունեությունից:
- Այլ թեմերի երիտասարդաց միությունների հետ համագործակցու՞մ եք:
- Այո, իհարկե: Իրականացրել ենք մի շարք ծրագրեր  Շիրակի թեմի երիտասարդաց միության հետ, համագործակցում ենք նաև ՀԵԵՄ կենտրոնական գրասենյակի  հետ: Մենք, ընդհանրապես, շատ ենք կարևորում այլ թեմերի երիտասարդաց միությունների հետ համագործակցությունը, քանի որ կատարում ենք փորձի փոխանակում, ձեռք ենք բերում նոր գաղափարներ, որոնք իրականացնում ենք թեմում:
-  Ապագայում ի՞նչ ծրագրեր եք նախատեսում:
- Ամռանը նախատեսում ենք կազմակերպել «Հիշի´ր Արարչիդ երիտասարդությանդ օրերին»  խորագրով ծրագիրը, որի ընթացում կկազմակերպենք երիտասարդական ճամբար ՀԱԵԳԹԵԿ անդամ երիտասարդաց միությունների ներկայացուցիչների մասնակցությամբ, կվերաձևավորենք Կենտրոնական խորհուրդը և կմշակենք առաջիկայում իրականացվելիք ծրագրերի փաթեթ: Նշեմ նաև, որ ներկայումս ընթացքի մեջ է «Ձեռք մեկնիր եղբորդ» դրամահավաք ակցիան, որը նախաձեռնել է թեմակալ առաջնորդը: Ծրագրի ընթացքում տպագրվել են անվանական բացիկներ, որոնց վաճառքից գոյացած գումարով ձեռք է բերվելու բնակարան Վանաձորի Սանկտ-Պետերբուրգ տնակային ավանում բնակվող Քալաշյան ընտանիքի համար:

-  Շնորհակալություն:




Նյութը` ՄԱՐԻԱՄ ՆԱԼԲԱՆԴՅԱՆԻ

пятница, 28 февраля 2014 г.

ՀԱԵԳԹԵԿ Վանաձորի ՆԱՐԵԿԱՑԻ երիտասարդաց միության ՁԵՌՔ ՄԵԿՆԻՐ բարեգործական ծրագրի ամփոփում


ԱՌԱՎԵԼ ԵՐԱՆԵԼԻ Է ՏԱԼԸ, ՔԱՆ ԱՌՆԵԼԸ
 

Օրհնությամբ Գուգարաց թեմի առաջնորդ բարձրաշնորհ Տեր Սեպուհ արքեպիսկոպոս Չուլջյանի` Վանաձորի <<Նարեկացի>> երիտասարդաց միությունը արդեն 3-րդ տարին կազմակերպեց <<ՁԵՌՔ ՄԵԿՆԻՐ>> բարեգործական ծրագիրը, որի շրջանակներում օգնեց 50 և ավել անապահով ընտանիքների:
Ծրագիրն արդեն ավարտված է: Արդյունքում.
Գանձանակներ տեղադրվեցին քաղաքի 21 դպրոցներում, 5 բուհերում, Արդչինինվեստ և Բիբլոս բանկերի վանաձորյան մասնաճյուղերում, Սանկտ-Պետերբուրգ խմիչքի խանութում, Սմայլ սուպերմարկետում, <<Դբա լավը>> և <<Ժպիտ>> հագուստի խանութներում և <<Նարեկացի>> երիտասարդաց միության գրասենյակում:
Արդյունքում բոլոր գանձանակներից և անհատ բարերարներից հավաքվեց – 600.000 դրամ(ներառյալ Երուսաղեմի Ժառանգավորաց վարժարանի և ընծայարանի սաների փոխանցած հանգանակությունը` 400.000 դրամ):
Արտադրամասերից ծրագրին ձեռք մեկնեցին <<Գլորիա>> կարի ֆաբրիկան (տղամարդու 5 հատ ձեմռային վերարկու, փոքրիկ տղա երեխայի 5 կոստյում և կանացի կարճաթև շապիկներ), <<Սարտոն>> կարի ֆաբրիկան (տղամարդու 25 տաբատ), <<Բազում>> կարի արտադրամաս(մանկական 5 ձմեռային վերարկու), <<Կաթնագործ>> կաթնամթերքի արտադրամասը(50 տուփ սմետան), <<Դիետ>> կաթնամթերքի արտադրամասը(50 տուփ սմետան, 50լ կաթ, 50 շիշ մածուն), <<Հելեն-Արթ>> հրուշակեղենի արտադրամասը(2 արկղ կոնֆետ, 2 արկղ թխվածքաբլիթ) և <<Հարատիդ>> զովացուցիչ ըմպելիքների արտադրամասը(60 շիշ լիմոնադ, 30 շիշ գազավորված հյութ): Հագուստ տրամադրեց նաև <<Ժպիտ>> հագուստի խանութը:
Ձեռնարկություններից զատ` ծրագրին աջակցեց նաև Վանաձորի Սբ Սարգիս եկեղեցու խաչքավոր Արմեն Կարապետյանը: Վերջինիս ֆինանսավորմամբ(50.000 դրամ) երիտասարդները գրենական պիտույքներ գնեցին բազմազավակ ընտանիքների երեխաների համար:
Ծրագրի շրջանակներում երիտասարդաց միության անդամները սննդի համար նախատեսված արկղեր տեղադրեցին <<Սպարապետ>>, <<Գրին Պլազա>>, <<Տրիո>>, <<Ոսկյա>>, <<Սմայլ>> խանութներում:
Հավաքված 600.000 դրամին գնվեց.
50 պարկ ալյուր(3կգ-ոց)- 125.000 դրամ
1 պարկ շաքարավազ(50կգ-ոց), որը խանութներից հավաքված շաքարավազի հետ բավականացրեց յուր. ընտանիքի բաժանելու 2-ական կգ – 18.000 դրամ
150կգ կարտոֆիլ-յուրաքանչյուր ընտանիքի 3-ական կգ- 12.000 դրամ
15 հատ ձեթ, քանի որ խանութներից հավաքվածը բավարար չէր- 15.900 դրամ
100 հատ մեծ և 50 հատ փոքր պոլիէթիլենային տոպրակ – 14.000 դրամ
Տպագրական աշխատանք - 20.000 դրամ
Ծրագրի համար նախատեսված գանձանակների և սննդի արկղերի պատրաստման համար փաթեթներ, սկոչներ – 14.000 դրամ
Հատկացվեց գումար նաև տաքսի ծառայություններին` առևտուրը միություն փոխադրելու և քաղաքում գնումներ կատարելու համար- 9.000 դրամ
Ընդհանուր ծախսվել է` 227 900 դրամ
Մնացորդը` 373 100 դրամ, որն էլ նախատեսում ենք ծախսել ծրագրի հաջորդ փուլում` Սբ Հարության տոնին` ձեռք մեկնելով քաղաքի 20 կարիքավոր ընտանիքներին:
Ծրագրի շրջանակներում յուրաքանչյուր ընտանիքի ըստ անհրաժեշտի տրվել են`
1 պարկ ալյուր
2կգ շաքարավազ
3կգ կարտոֆիլ
1շիշ ձեթ, 1 տուփ աղ
4-6տուփ(կախված ընտանիքի մեծությունից) մակարոնեղեն
2կգ ոսպ
2կգ բրինձ
1կգ գրեչկա/գարոխ/ձավար
1-2տուփ խտացրած կաթ
2 տուփ սմետան
1 շիշ մածուն
1լ կաթ
Թխվածքաբլիթներ, կոնֆետներ, փոքրիկներին նաև ամանորյա տոպրակներ
ատամի խոզանակ(քանակը կախված ընտանիքի անդամների թվից) և օճառ
Գրենական պիտույքներից`
Գրիչ, մատիտ, տետրեր, գունավոր գրիչներ և մատիտներ, նկարչական ալբոմներ, գունավոր թղթեր, քանոն, ռետին, սրիչ, գրչատուփ/ 5 ընտանիքի նաև դպրոցական պայուսակներ:
Ընտանիքներին` ըստ անհրաժեշտի տրվեց նաև հագուստ:
Եկեղեցիների Համաշխարհային Խորհրդի հայաստանյան Կլոր սեղան հիմնադրամի կողմից (850.000 դրամ) տրվեցին 10.000-20.000-ական դրամ օգնություն Գուգարաց թեմի Վանաձոր քաղաքի 20, Շահումյան գյուղի 10 և Վարդաբլուր ու Կուրթան գյուղերի շուրջ 15 ընտանիքներին` վառելափայտի, կոմունալ ծախսերի, կամ իրենց անհրաժեշտ պետքերի բավարարման համար:
Ծրագրի արդյունքում կուտակված պաշարից և գումարից մնաց`
2 արկղ երկրորդ ձեռք խառը հագուստ-կանացի, տղամարդու և երեխայի վերարկուներ, տաբատներ և կարճաթև ամառային շապիկներ, որոնք ընտանիքներին կբաժանվեն ծրագրի հաջորդ փուլում` Սբ Հարության տոնին ընդառաջ, քանզի ծրագիրը շուրջտարյա է:
373 100 դրամ, որն էլ նախատեսում ենք ծախսել դարձյալ ծրագրի հաջորդ փուլում` Սբ Հարության տոնին` ձեռք մեկնելով քաղաքի 20 կարիքավոր ընտանիքներին:

Նյութի հեղինակ՝ <<Ձեռք մեկնիր>> բարեգործական ծրագրի պատասխանատու` Էմմա Գրիգորյան

Տեսանյութ 1՝  այստեղ
Տեսանյութ  2՝ այստեղ 


Նյութը՝  http://gugaratstem.blogspot.com/p/blog-page_9.html

пятница, 21 февраля 2014 г.

Սբ Սարգսի տոնը Վանաձորում (Ֆոտոշարք)


Փ»ïñí³ñÇ 15-Çݪ êµ ê³ñ·Çë ¼áñ³í³ñÇ ïáݳϳï³ñáõÃÛ³Ùµ: ²Ûë ûñÁ ì³Ý³ÓáñÇ êµ ê³ñ·Çë »Ï»Õ»óáõÙ Ù³ïáõóí»ó êµ ä³ï³ñ³·ª Ó»é³Ùµ î»ñ êï»÷³Ýáë ù³Ñ³Ý³ سñ·³ñÛ³ÝÇ, áñÇó Ñ»ïá Ã»Ù³Ï³É ³é³çÝáñ¹Á ϳï³ñ»ó »ñÇï³ë³ñ¹Ý»ñÇ ûñÑÝáõÃÛ³Ý Ï³ñ·: ÆÝãå»ë ݳËáñ¹ ï³ñÇÝ»ñÇÝ, ³Ûë ï³ñÇ ¨ë Ù³ñ¹³ß³ï ¿ñ êµ ê³ñ·Çë »Ï»Õ»óáõ µ³ÏÁ, áñï»Õ ѳí³ùí³Í »ñÇï³ë³ñ¹Ý»ñÝ Çñ»Ýó ³ÕáÃùÝ ³é ²ëïí³Í µ³ñÓñ³óÝ»Éáõó ¨ ûñÑÝáõÃÛáõÝ ëï³Ý³Éáõó ½³ïª »Ï»É ¿ÇÝ »ñÇï³ë³ñ¹Ý»ñÇ ûñÑÝáõÃÛ³Ý ûñÁ ïáÝ»Éáõ: ì³Ý³ÓáñÇ §Ü³ñ»Ï³óǦ »ñÇï³ë³ñ¹³ó ÙÇáõÃÛáõÝÁ ϳ½Ù³Ï»ñå»É ¿ñ ѳٻñ·-ÙÇçáó³éáõÙª ѳ·»ó³Í »ñ·»ñáí áõ å³ñ»ñáí, ѳ׻ÉÇ ³Ý³ÏÝϳÉÝ»ñáí áõ ˳ջñáí: Ü»ñϳݻñÇÝ µ³Å³Ýí»óÇÝ ÷áËÝÓ³µÉÇÃÝ»ñ, êµ ê³ñ·Çë ¼áñ³í³ñÇÝ áõÕÕí³Í ³ÕáÃùÝ»ñ, ÷áùñÇÏ ·ñùáõÛÏÝ»ñ, áñï»Õ Ý»ñϳ۳óí³Í ¿ÇÝ êµ ê³ñ·Çë ¼áñ³í³ñÇ ïáÝÁ, ݳ˳å³ïÙáõÃÛáõÝÁ ¨ ËáñÑáõñ¹Á: гí³ñï ÙÇçáó³éٳݪ Ý»ñϳݻñÇÝ Çñ µ³ñ»Ù³ÕóÝùÝ»ñÁ ÑÕ»ó êµ ê³ñ·Çë ¼áñ³í³ñÇ ËáñÑñ¹³Ýß³Ï³Ý Ï»ñå³ñÁ: ØÇçáó³éÙ³Ý ³í³ñïÇÝ êµ ê³ñ·Çë »Ï»Õ»óáõ ˳ãù³íáñ ²ñÙ»Ý Î³ñ³å»ïÛ³ÝÇ ÏáÕÙÇó Ù³ïáõóí»ó áõËïÇ Ù³ï³Õ:































  

Տեսանյութը    այստեղ
Ֆոտոշարքը` Լիլիթ Յոլչյանի

среда, 29 января 2014 г.

ՍԵՐԸ ԵՐԲԵՔ ՉԻ ԱՆՀԵՏԱՆՈՒՄ . Սբ Սարգիսի տոնը Վանաձորում

ՄԻԱՍԻՆ ՏՈՆԵՆՔ ԵՐԻՏԱՍԱՐԴՆԵՐԻ ՕՐՀՆՈՒԹՅԱՆ ՕՐԸ
Փետրվարի 15-ին` Սուրբ Սարգիս զորավարի տոնին, որ հռչակված է Երիտասարդների օրհնության օր, ժամը 11:00-ին հրավիրում ենք Վանաձորի Սուրբ Սարգիս եկեղեցում մասնակցելու Սուրբ պատարագի միասնական աղոթքին և ստանալու օրհնություն:

Պատարագի ավարտին եկեղեցու բակում` Առաջնորդարանին կից, ժամը 12:00-ին տեղի կունենա համերգ-միջոցառում:

Միջոցառումը հագեցած կլինի բազմաթիվ անակնկալներով.
ընթացքում ներկաներին գեղեցիկ բացիկներ կբաժանի և իր շնորհավորանքի խոսքը կհղի խորհրդանշական Սբ Սարգիս զորավարը.
բակը կզարդարվի նաև ձեռագործ աշխատանքների ցուցահանդես-վաճառքով:

<<ՍԵՐԸ ԵՐԲԵՔ ՉԻ ԱՆՀԵՏԱՆՈՒՄ>>
Ա.Կորնթ. ԺԳ8
Սբ Սարգիս Զորավարի տոնին կազմակերպվելիք միջոցառմանը, որն անցկացվելու է Վանաձորի Սբ Սարգիս եկեղեցու բակում, նախատեսվում է կազմակերպել նաև ձեռագործ աշխատանքների ցուցահանդես-վաճառք: Բոլոր նրանք, ովքեր կցանկանան իրենց աշխատանքները ևս ներկայացնել միջոցառմանը (նկարներ, քանդակներ և այլ ձեռագործ աշխատանքներ), կարող են դիմել <<Նարեկացի>> երիտ. միություն կամ զանգահարել 094 52 54 65 հեռ.համարով:

четверг, 9 января 2014 г.

ՈՒխտագնացություն Դեպի Գեղարդավանք


Օրերս, օրհնությամբ Գուգարաց թեմի առաջնորդ բարձրաշնորհ Տեր Սեպուհ արքեպիսկոպոս Չուլջյանի, թեմի երիտասարդական կազմակերպության <<Նարեկացի>> երիտասարդաց միությունը կազմակերպել էր ուխտագնացություն դեպի Գեղարդավանք: Միությանը միացել էին նաև Շահումյանի <<Սբ Խաչ>> երիտասարդաց միության անդամներից:
Գեղարդավանքում երիտասարդները մասնակցեցին Սբ Պատարագի միասնական աղոթքին, ծանոթացան վանքի պատմությանը, շրջեցին քարայրախցերով:
<<Չկար որևէ հատուկ տոն, որին ընդառաջ կազմակերպեցինք այս ուխտագնացությունը, սակայն կարիք ունեինք դարձյալ նորոգելու մեր ուխտն Աստծո առջև, ինչպես անհատապես, այնպես էլ խմբով աղոթելու երիտասարդաց միության  հետագա ընթացքի և բարօրության համար>>, - նշում են երիտասարդները:
Պատարագից հետո երիտասարդները շարժվեցին դեպի Աբովյան քաղաքի Սբ Հովհաննես Մկրտիչ եկեղեցի, իսկ ավարտին` Սևանի Սբ Առաքելոց վանքը, որտեղ ևս միասնական աղոթքով և շարականներով երիտասարդները ամփոփեցին իրենց օրը` հավատքով, որ իրենց աղոթքներն ու ուխտն առ Աստված ընդունելի կլինի Բարձրյալին:

Տեսանյութը այստեղ

Աղբյուր՝ http://gugaratstem.blogspot.com/p/blog-page_6608.html

среда, 8 января 2014 г.

Աստծու պատասխանը (առակ)

Astco kamqy
Մի մարդ կար, որ համարձակվեց կոչ ուղղել Աստծուն, ասելով·
Եվ մարդը երկա~ր, երկա~ր թափառեց մացառուտում, նստեց պարիսպ­ների առջև ու մնաց ալեկոծ ծովի ափին, սպասելով, որ Աստված պատասխանի:
Աստված լսեց մարդու կոչը ու պատասխանեց. հրդեհ ուղարկեց ո’չ թե մացառուտների թփերը այրելու, այլ՝ մարդկանց սրտերը հրդեհելու, փլեց ո’չ թե քարե պարիսպները, այլ՝ մեղքի ու անտարբերության պատերը, խաղաղեցրեց ո’չ թե ծովերը, այլ՝ փոթորկահույզ հոգիները: Եվ սպասեց շատ երկա~ր, որ մարդը պատասխանի:
Եվ որովհետև մարդը փնտրում էր բոցավառվող թփեր և ո’չ թե սրտեր, նայում էր քարերին և ո’չ թե կյանքերին, դիտում էր ծովեր և ո’չ թե հոգիներ, եզրակացրեց, թե Աստված անզոր է: Ուստի, վեր բարձրացրեց գլուխն ու ասաց· «Ո~վ Աստված, մի՞թե կորցրել ես ուժդ»:
Աստված պատասխանեց, մի՞թե կորցրել ես տեսողությունդ»:
Գրառում՝ Տ. Հովսեփ Ա.Քահանա Հակոբյան


Ինչու եւ ինչպես են մարդիկ դառնում աղանդավոր

axand (2)
Շատերն են հարցնում, թե ինչպիսի մարդիկ են դառնում աղանդավոր կամ մտնում այս կամ այն աղանդի մեջ, եւ կամ` որ խելամիտ մարդը իրեն թույլ կտա մըտնել նման կառույցների մեջ եւ, առհասարակ, հավատալ նման անհեթեթ ուսուցումներին:
Մի՞թե նորմալ մարդը կմտնի մի կազմակերպության մեջ եւ թույլ կտա, որ իրեն խաբեն եւ թալանեն:
Մարդիկ ոչ թե գալիս են եւ ինքնակամ միանում են այս կամ այն աղանդին, այլ իրենց ԲԵՐՈՒՄ են` խաբեության, տեղեկատվության պահման եւ կեղծ գովազդների միջոցով:
Արդյոք մեզանից որեւէ մեկը կարող է մտածել, թե մի օր կարթնանա եւ ինքն իրեն կասի. «Ես երբեք աղանդավոր չեմ եղել, հետաքրքրի է` ինչպես կարող եմ մտնել աղանդի մեջ, գնամ, գըտնեմ մի որեւէ աղանդ եւ միանամ նրանց»: Այո՛, սա հնչում է իբրեւ «ապսուրդ», անհեթեթություն: Հասկանալի է, որ սա չի կարող իրական լինել, ապա ինչպես է դա պատահում:
Ինչպես ասեցի` աղանդավորության չեն գալիս, այլ բերվում են: Հիմա տեսնենք, թե ինչպիսի մարդկիկ են գալիս կամ բերվում աղանդավորության: Մարդուն աղանդի մեջ քաշելու համար անհրաժեշտ է, որ երկու հանգամանքներ համընկնեն: Հավանաբար ամենքս էլ գիտենք, թե որսորդներն ու ձկնորսները ինչպիսի տարբեր հնարքներ եւ խայծեր են գործի դնում որս կատարելիս (նապաստակի համար` գազար, գայլի համար` միս, ձկների համար տարբեր տարբեր խայծեր եւ այլն): Նմանապես մեզանից ցանկացածին հնարավոր է ինչ որ բանի վրա որսալ, քանի որ ամենքս էլ կամա թե ակամա ունենք բարձունքներ, որոնց ձգտում ենք, կամ իրեր, որոնք մեզ հետաքրքիր են եւ ցանկանում ենք դրանք ստանալ: Տարիքային տարբեր շրջաններում այդ ցանկությունները փոխվում են, սակայն ինչ- որ բան նորից մնում է պակաս, որը դեռ հետաքրքիր է մեզ:
Ինչպես հասկացանք, մարդուն բացեիբաց չեն հրավիրում աղանդավորության, այլ գործադրում են խայծեր, օրինակի համար, կարող են հրավիրել անվճար անգլերենի կամ այլ լեզվի դասընթացների, համակարգչի կամ այլ մասնագիտության ուսուցման: նաեւ կարող են առաջարկել հրաշագործ մի բժշկի, որը բուժում է ամեն հիվանդ- ություն: Հատկապես շատերը մտահոգված են իրենց առողջությամբ եւ նման կերպով կարող են ծուղակն ընկնել: Կարող են հրավիրել Աստվածաշնչի կամ որեւէ փիլիսոփայական ուսուցման դասընթացների, կարող են հրավիրել անցնելու դասընթացներ` թե ինչպես կարելի է դառնալ հաջողակ անձ եւ կարողանալ մարդկանց իրենց ենթարկել, ինչպես գրավել հակառակ սեռի ներկայացուցչին, ինչպես բացել ներքին կարողությունները եւ ալն եւ այն…:
Շատ ժամանակ կարող են հրավիրել ինչ-որ երիտասարդական խնջույքի, կամ պարերի (դիսկոտեկա), որոնք չգիտես ինչու նրանք կատարում են իրենց «եկեղեցիներում»: Սրանք եւ սրանց նման շատ այլեւայլ տարբեր խայծեր գործածելով` նրանք ունենում են միայն մեկ նպատակ` որքան հնարավոր է շատ մարդ տանել իրենց որջը: Օրինակի համար նման աղանդավորական խմբերից մեկի գովազդում ասվում էր հետեւյալը. (անունը չենք նշում, որ գովազդ չլինի) «Դուք մեզ մոտ կգտնեք նոր սկիզբ, նոր հոգեւոր ընտանիք, հանգստի վայր, հավատարիմ ընկերներ, ամուր եւ գործող հավատք, ձեզ հուզող ցանկացած հարցերի պատասխան, անպտղության բուժում, եւ առհասարակ բժշկում ցանկացած հիվանդությունից, անեծքների կամ, ինչպես ասում են, «թուղթ ու գրի» մաքրում եւ ազատում, այստեղ հինը մնում է հետեւում, բացվում են նոր հորիզոններ, դուք այստեղ կգտնեք նոր հեռանկարներ եւ նոր կյանք»:
Տեսնու՞մ եք, թե ի՜նչ հրաշալի է, միանգամից ամեն ինչ` բժշկումից մինչեւ նոր կյանք, մի խոսքով ամեն ինչ, ինչ կցանկանաս: Եվ եթե մարդուն այս ամենից ինչ- որ բան չի հերիքում, եւ շատ ժամանակ իրոք չի հերիքում, մարդը սկսում է մտածել: Սրանք միայն մի մասն են այն ամեն հնարքների, որոնք, այսպես ասած, աղանդավորական «վերբովշիկներն» օգտագօրծում են մարդկանց որսալու համար:
Ինչպես վերը նշեցի, մարդուն աղանդի մեջ քաշելու համար անհրաժեշտ է, որ երկու հանգամանքներ համընկնեն: 1. Թե ե՛րբ աղանդավորական «Վերբովշիկը» կանի իր կարեւոր առաջարկը` գործի դնելով իր խաբկանքները եւ 2. Որպեսզի այդ առաջարկը կատարվի կամ հնչեցվի ճիշտ ժամանակին:
Իսկ որ՞ն է այդ ճիշտ ժամանակը:
Ճիշտ ժամանակը այն է, երբ մարդը կամ տվյալ անձը, ում հետ խոսում է «վերբովշիկը» գտնվի կամ ընկնի ներշնչման կամ զգայուն վիճակի մեջ, որից էլ օգտվելով տվյալ անձին առաջարկում է իր կամ իր «եկեղեցու անսահման» հնարավորությունները:
Կարելի է ասել, որ մարդկության մեկ երրորդը շատ զգայուն են, որից էլ օգտվում են նման «վերբովշիկները»: Որպես օրինակ կարող ենք բերել ցանկացած շարքային էքսրտրասենսի, որն իր շոուների ժամանակ օգտվում է հենց նման զգայուն մարդկանց ծառայությունից: Շոուի սկզբում էքստրասենսը` որոշելու համար, թե ովքեր են ավելի զգայուն, խնդրում է, որպեսզի բոլորը իրենց ձեռքի ափերը վեր բարձրացնեն եւ զգան իրենից ելած այսպես ասած «էներգիան» կամ «ջերմությունը» եւ հայտնեն իրեն: Երբ զգայունները իրենց ցույց են տալիս, էքստրասենսը հիշում է նրանց եւ սկսում աշխատել միայն նման զգայուն մարդկանց հետ:
Սա չի նշանակում, թե մյուսները զգայուն չեն, ոչ զգայուն մարդիկ չկան, այլ կան շատ զգայուն եւ քիչ զգայուն մարդիկ: Անգամ քիչ զգայուն մարդկանց մոտ լինում է ժամանակ, երբ զգայնությունը բարձրանում է: Դա լինում է այն ժամանակ, երբ մարդը մեծ ստրես է տանում, որքան մեծ է ստրեսը, այնքան մեծանում է նաեւ զգայնությունը:
Հավանաբար շատերս լսած կլինենք, թե ինչպես ոմն սուտ մարգարեներ խոստանում էին բուժել մարդկանց կամ, անգամ, հարություն տալ մահացածներին: Շատերը խաբվեցին, քանի որ գտնվում էին ստրեսի մեջ:
Նման կերպով էլ աղանդավորական«վերբովշիկները» հայտնվում են այն վայրերում, ուր տեղի են ունեցել բնական աղետներ, տեռակտներ կամ ուղղակի որեւէ մեծ եւ դժբախտ պատահար: Ժամանակն է հիշել 1988թ.Սպիտակի եիկրաշարժը, Ղարաբաղյան պատերազմը, որոնց ժամանակ մեր հայրենակիցները ուղղակի դարձան բաց թիրախ շատ եւ շատ աղանդավորականն խմբավորումների, որոնք «բարեգործի» անվան տակ եկան քայքայելու եւ կեղեքելու մեր ժողովրդին:
Սակայն չի կարելի մտածել, թե միայն նման մեծ եւ ահավոր վիճակում են մարդիկ դառնում չափից ավելի զգայուն, ցանկացած իրավիճակ կարող է մարդուն դարձնել զգայուն: Շատ ստրեսային իրավիճակներում մարդիկ կարող են դառնալ զգայուն, օրինակ սիրելի անձի կորուստը, ինչ-որ մեկից կամ ինչ – որ հարցից հուսահատվելը, կյանքի կամ կենցաղի կտրուկ փոփոխությունը: Վերջինն ավելի տարածված է հիմնականում տուրիստական կամ կուրորտային քաղաքներում, ուր եւ վխտում են տարբեր աղանդավորական խմբավորումներին պատկանող «վերբոովշիկները»` փորձելով ավելի ու ավելի միամիտ մարդկանց «զինակոչել» իրենց շարքերը: Նրանք օգտվում են այն հանգամանքից, որ մարդը, փորձելով հեռանալ իր առօրյա կյանքից, ակամայից դառնում է չափազանց զգայուն եւ առավել բաց, քանի որ, հեռու լինելով իր ընկերական եւ մտերմիկ շրջապա- տից , ցանկանում է ունենալ նոր ծանոթություններ, եւ հենց այդ ժամանակ էլ հեշտանում է «վերբովշիկների» գործը:
Նաեւ մարդկանց կյանքում կան տարիքային երկու շրջան, երբ մարդը ապրում է ստրեսային վիճակ: Առաջինը, այսպես ասած, հասունացման շրջանն է, եւ այս տարիքային խմբի մեջ մտնում են այն երիտասարդներն ու երիտասարդուհիները, որոնք նոր ավարտելով դպրոցը ընդունվում են Բարձրագույն Ուսումնական Հաստատություններ կամ սկսում են աշխատել: Սա կյանքի մի էտապ է, երբ մարդը, հրաժեշտ տալով մանկությանը, մտնում է հասուն կյանք, ինչով եւ փոխվում է նրա աշխարհընկալումը, եւ մարդը դադարում է երեխա լինելուց: Կյանքը փոխվելով` փոխվում է նաեւ անձի հոգեկան վիճակը. մի քանի տարիներ ստրեսային վիճակ եւ մարդը դառնում է չափից ավելի զգայուն, եւ հենց սրանից էլ օգտվում են աղանդավորական խմբավորումները:
Հաջորդ ստրեսային խումբը, այսպես ասած, միջին տարիքի ստրեսային խումբն է, որի մեջ հիմնականում մտնում են թոշակային կամ նախաթոշակային տարիքի անձիք, որոնք ակամայից ավելի ակտիվ կյանքից անցնում են պասիվի: Մարդու համար սկսում են մեծ փոփոխություններ: Նա սկսում է կորցնել իր մտերիմ մարդկանց, սկսում է մտածել իր կյանքի մասին, եւ հենց այդ ժամանակ է, որ աղանդավորները հայտնվում են նրանց կյանքում եւ փորձում գցել իրենց ճիրանները: Հիմնականում նման խմբից լավագույնս օգտվում են «Եհովայի վկաներ» կազմակերպության մարդիկ, որոնք, անցնելով տնից տուն, համարակալում եւ մանրամասն նկարագրում են, թե ովքեր եւ ինչ տարիքային խմբի մարդիկ են ապրում այդտեղ: Նրանք մի տեսակ հաշվետվություն են ներկայացնում իրենց կատարած այցելությունների համար:
Օրինակ, մի այսպիսի դեպք. Իրենց հաշվետվության մեջ ներկայացնում են, թե տվյալ բնակարանում ապրում են երիտասարդ ամուսիններ, որոնք իրենց լավ չընդունեցին, սակայն նրանց հետ ապրում է իրենց մայրը, որը թոշակային տարիքի է, եւ նրանք խորհուրդ են տալիս, որ հաջորդ անգամ նույն տարիքի երկու կին «քարոզիչներ» գնան եւ զրուցեն տվյալ կնոջ հետ, երբ երիտասարդները տանը չեն լինի: Որոշ ժամանակ հետո երիտասարդները հանկարծակի հայտնաբերում են, որ իրենց մայրը արդեն հարում է այդ աղանդին եւ զարմանում, թե ինչպես է դա պատահել:
Հիմա պետք է փորձենք մի անհավանական փորձ կատարել միասին եւ պատկերացնել, թե աղանդնավորական մի խմբակ փորձում է մի նոր կյանք սկսել եւ իր մասին հայտնել միայն ու միայն ճշմարտությունը, ու տեսնենք, թե ինչ կկատարվի: Պատկերացնենք, թե մի երիտասարդ քայլում է փողոցով եւ հանկարծ իրեն են մոտենում հասակակից երկու հոգի եւ ասում. -Բարեւ, մենք աղանդավորներ ենք ու հրավիրում ենք քեզ միանալու մեզ: Քեզ այն դուր կգա: Ինչո՞վ ես զբաղված, հա,՜ ուսանո՞ղ ես, չէ եղբայր չեղավ, պիտի անպայման թողնես ուսումդ, մենք քեզ ամեն ինչ կսովորեցնենք, ավելի լավ, քան թե ցանկացած համալսարան: Ա՜, ընկերուհի՞ էլ ունես, մոռացի՛ր. մեզ մոտ միայն ու միայն մեր աղանդին պատկանող աղջիկներից կարող ես ընկերուհի ունենալ, քանի որ մենք ենք որոշում, թե երբ կամ ում հետ ամուսնանաս: Հետո կորոշենք երեխաներ կունենաք, թե ոչ, եթե հասկանանք, որ երեխա ունենալու ժամանակն է, ապա կթույլատրենք, որ ունենաք, բայց չմտածեք, թե երեխաները ձերը կլինեն, նրանք պետք է պատկանեն աղանդին, եւ մենք կորոշենք, թե ո՛վ կզբաղվի նրանց դաստիարակությամբ, դուք, թե որեւէ այլ ընտանիք մեր աղանդից: Հրաժեշտ տուր ծնողներիդ, կամ ինչիդ են նրանք պետք, նրանք քեզ երբեք էլ չեն սիրել եւ նախանձել են, ուրեմն նրանց հետ անգամ պետք էլ չէ հրաժեշտ տալ… եւ այլն եւ այլն:
Պատկերացրեք, եթե նմանապես մոտենան ձեզ կամ ձեր ընտանիքի անդամներից մեկին եւ կատարեն նման առաջարկ, միանշանակ բացասական վերաբերմունքի կարժանանան, եւ որեւէ մեկը չի հետեւի նրանց: Սակայն նման բան որեւէ մեկը ձեզ չի ասի, քանի որ նրանից կթաքցնեն այդ ամենը: Եթե չխաբեն, ապա իրենք էլ չեն լինի, եւ որեւէ մեկը չէր համաձայնի այնտեղ գնալ: Դրա համար էլ նրանք հիմնականում փորձում են ամեն տեսակի հնարքներ գործադրել` մարդկանց իրենց տանելու համար, որի մասին արդեն խոսել ենք: Սակայն կկենտրոնանանք միայն անգլերենի ուսուցման դասընթացներին, որից հիմնականում օգտվում են Մորմոնները «վերբովկայի» համար, ինչպես նաեւ այլ աղանդավորական կազմակերպությունները: Հիմա ո՞ր մեկը չի ցանկանում սովորել անգլերեն կամ այլ օտար լեզուներ, եւ նման օտար լեզուների դասընթացների ժամանակ ուսուցիչները, որոնք հիմնականում ուղղակի գիտեն լեզուն եւ ուսուցչական կրթություն չունեն, սկսում են ոչ միայն ուսուցանել լեզուն, այլ նաեւ խոսել տվյալ աղանդի մասին եւ կամաց կամաց հող հարթել այսպես ասած «վերբովկայի» համար:
Նման կերպ կարող են վարվել նաեւ ոչ կրոնական, այսինքն տոտալիտար աղանդավորական խմբակցությունները, որոնց հիմնական խնդիրը ոչ թե կրոնի ներկայությունն է, այլ խաբեությունը «վերբովկայի» ժամանակ` ազդելով մարդկանց ենթագիտակցությանը:
Շատերը երիտասարդներ ուղղակի կարիքն ունեն ուշադրության եւ շփումի, որից էլ օգտվում են աղանդավորականները` հրավիրելով նրանց որոշակի հավաքույթների, ուր նա իրեն մենակ չի զգա եւ ձեռք կբերի «ընկերներ», որոնց նա չի ունեցել: Սա եւս «վերբովկայի» կլասիկ ձեւ է, որից էլ առատորեն օգտվում են աղանդավորական «վերբովշիկները»:
Սիրելինե՛ր, զգուշանա՛նք եւ հիշե՛նք այս ամենի մասին եւ փորձենք հեռու մնալ աղանդավորական «վերբովշիկներից» եւ , կարեւորը` հեռու պահենք մեր երեխաներին եւ հարազատներին նման խաբեություններից, եւ եթե որեւէ մեկին անհրաժեշտ է որոշակի օգնություն, ապա անհապաղ օգնենք այդ անձին, իսկ եթե չհասցնենք դա անել, ապա այն կանեն աղանդավորականները այնպիսի արագությամբ, որ մենք այլեւս չենք տեսնի մեր հարազատներին եւ մենք կկորցնենք նրանց:
«Սյունյաց կանթեղ» Սյունյաց Թեմի պաշտոնաթերթ N33