Առավոտյան աղոթք

Տեր, եթե իմ շրթունքները բացես, իմ բերանը քո օրհնությունը կերգի: Օրհնյա՜լ լինի համագո եւ միասնական, անբաժանելի Սուրբ Երրորդությունը` Հայրը, Որդին եւ Սուրբ Հոգին, այժմ եւ միշտ եւ հավիտյանս հավիտենից: 

 ԱՄԵՆ

Շարունակել կարդալ

Մաքուր բերանով աղոթք (առակ)

Մի մարդ միշտ եկեղեցի էր հաճախում, մասնակցում էր Պատարագներին, ժամերգություններին, ծոմ էր պահում, սակայն մի թերություն ուներ. եկեղեցուց դուրս՝ մարդկանց հետ խոսելիս մշտապես հայհոյում էր կամ անիծում:
Մի օր էլ երազին Քրիստոս է երևում և մի կեղտոտ բաժակով մաքուր ջուր է տալիս, որ խմի: Մարդը զզվում է այդ կեղտոտ բաժակից, որովհետև մի մաքուր տեղ չկար, որպեսզի կարողանար խմել: Հարցնում է Քրիստոսին.
-Տե՛ր, ինչո՞ւ ես կեղտոտ բաժակով տալիս, մի՞թե հնարավոր չի մաքուր բաժակով տալ:
Քրիստոս պատասխանում է.
-Դա նույնն է, որ դու ամեն օր ջերմեռանդորեն աղոթում ես, բայց եկեղեցուց դուրս շատ ես հայհոյում ու մաքուր չես պահում բերանդ: Ինչպես դու այդ բաժակով չես կարողանում խմել ջուրը, այնպես էլ Ես չեմ կարող լսել և ընդունել քո այդ անմաքուր բերանով հնչած աղոթքները:

Աղբյուրը` http://ter-hambardzum.net/archives/4403

Շարունակել կարդալ

ՀԻՍՈՒՍ ֆիլմը մանուկների համար

Սա Հիսուսի պատմությունն է՝ շարադրված նրա երկրային տարիների ընթացքում ապրած մանուկների տեսանկյունից: Հետևեք մ. թ. 30 թ.-ին Երուսաղեմում ապրած Բենիամինի, Քաղեբի, Սառայի, Հովելի, Լիայի և Նաթանի կյանքին: Դիտեք հիվանդներին բժշկող և մեռելներին հարություն տվող Նազովրեցի Հիսուսի պատմությունը: Երեխաները փորձում են ըմբռնել այս ամենը. ոմանք մեծացել են այնպիսի ընտանիքում, ուր հավատում են, որ Հիսուսը Աստծո Որդին է, ոմանք էլ՝ անհավատ ընտանիքներում:

Նրանք հետևում են Հիսուսին բազմության մեջ: Հետևում են՝ տեսնելու, թե ինչ է անելու երեխաներին սիրող այս հրաշագործ Մարդը: Նրանք տեսնում են, թե ինչպես է Հիսուսը մատնվում, անտեղի մեղադրվում, խաչվում ու թաղվում: Սակայն, նրարն հիշում են Հիսուսի խոստումը և հավատում, որ նորից են տեսնելու Նրան:
Բոլոր տարիքի երեխաները հաճույքով կդիտեն մանկան տեսանկյունից շարադրվող Հիսուսի այս ճշմարիտ և գրավիչ պատմությունը:

Շարունակել կարդալ

ՀԻՍՈՒՍ ֆիլմը ըստ Ղուկասի ավետարանի

Հիսուս Քրիստոսի մասին ամենահավաստի ֆիլմը
Ո՞վ էր Հիսուս Քրիստոսը: Մրցանակակիր պրոդյուսեր Ջոն Հեյմանն այս հարցին պատասխանում է «Հիսուս» ֆիլմում: Հեյմանի նկարահանած ֆիլմն իրականությանն այնքան մոտ է, որ թվում է, թե մարդ ապրում է Փրկչի հետ առաջին դարի Պաղեստինում: Իրական պատկերն առավել ամբողջական դարձնելու համար, աշխատակազմը մանրամասնորեն ուսումնասիրել է այդ ժամանակաշրջանի հատուկ ճարտարապետու թյունը, հագուստները, սովորույթներն ու կերակրատեսակները: «Հիսուս» ֆիլմը նկարահանվել է աստվածաշնչյան վայրում՝ Իսրայելում, ավելի քան 5000 իսրայելցիների և արաբների մասնակցությամբ: Փաստերը վերցված են Ղուկասի ավետարանից:

Հարցեր
Ինչպե՞ս կարող էր արհամարհված մի չքավոր գալիլեացի, ով երբևէ հրամանատար չէր եղել, հարստություն չէր ունեցել, մի օր դառնալ պատմության ամենահայտնի և ամենասիրելի անձը: Արդյո՞ք Հիսուսը այն էր, ինչ ներկայանում էր: Ինչո՞ւ են մարդիկ հիացած Նրա կյանքով և ուսուցմամբ նույնիսկ Նրա հայտնությունից 20 դար անց: Արդյո՞ք Նա այնպիսին է, ինչպիսին ակնկալում են բոլորը:
Պատասխաններ
«Հիսուս» ֆիլմը տվել է միլիոնավոր մարդկանց հարցերի պատասխանները: Թարգմանվել է մոտ 1000 լեզվով, ինչի շնորհիվ այն դիտել են 3-4 միլիարդ մարդիկ: Հիսուսի կյանքի այս իրական պատկերը տալիս է մարդկության պատմության ամենաազդեցիկ և ամենակարող մարդու անձի՝ Հիսուս Նազովրեցու ճշգրիտ նկարագիրը:
Դիտեք այս ֆիլմը և գտեք հիշյալ հարցերի՝ կյանք վերափոխող պատասխանները:

Շարունակել կարդալ

ՄԱՏՅԱՆ ՈՂԲԵՐԳՈՒԹՅԱՆ

ՍՈՒՐԲ ԳՐԻԳՈՐ ՆԱՐԵԿԱՑԻ. <<ՄԱՏՅԱՆ ՈՂԲԵՐԳՈՒԹՅԱՆ>>

Շարունակել կարդալ