ՀԱԵԳԹԵԿ ԿԱՆՈՆԱԴՐՈՒԹՅՈՒՆԸ

օրինակելի

Ընդունված է

Հայ Առաքելական Եկեղեցու Գուգարաց թեմի երիտասարդական կազմակերպության ընդհանուր ժողովի կողմից                               ՙ   ՚ __      ____   2011թ.

ընդհանուր ժողովի  նախագահ`

_________________________

Հաստատված է

Գուգարաց թեմի թեմական խորհրդի  կողմից

ՙ     ՚   ________      2011թ.

առաջնորդ` Տեր Սեպուհ  արքպիսկոպոս Չուլջյան

                                            

ԿԱՆՈՆԱԴՐՈՒԹՅՈՒՆ

ՀԱՅ ԱՌԱՔԵԼԱԿԱՆ  ԵԿԵՂԵՑՈՒ ԳՈՒԳԱՐԱՑ ԹԵՄԻ ԵՐԻՏԱՍԱՐԴԱԿԱՆ ԿԱԶՄԱԿԵՐՊՈՒԹՅՈՒՆ

ՎԱՆԱՁՈՐ 2011թ.

   

1. Ընդհանուր դրույթներ

1.1          Հայ Առաքելական Եկեղեցու Գուգարաց թեմի Երիտասարդական Կազմակերպությունը կամ թեմական երիտասարդական խորհուրդը (այսուհետև ՀԱԵԳԹԵԿ) Հայ Առաքելական եկեղեցու Գուգարաց թեմից ներս նրա անմիջական հովանու ներքո գործող ընտրովի բարձրագույն մարմին է (եկեղեցասեր երիտասարդական կազմակերպությունների միություն), որում     առաջնորդվելով,  օրինականության, իրավահավասարության, հրապարակայնության, անդամների կամավորության, արդարամտության սկզբունքներով  միավորվել են հայ քրիստոնյա երիտասարդները` իրենց կրոնական (քրիստոնեական), հոգևոր, ոչ նյութական այլ պահանջմունքներ բավարարելու, իրենց և այլոց իրավունքները և շահերը պաշտպանելու, երիտասարդության, նրա առանձին խմբերի նյութական և ոչ նյութական աջակցություն ապահովելու, հանրօգուտ և եկեղեցահաճո այլ գործունեություն իրականացնելու նպատակով,

1.2          Կազմակերպության անվանումն է `

հայրեն` ՀԱՅ ԱՌԱՔԵԼԱԿԱՆ ԵԿԵՂԵՑՈՒ ԳՈՒԳԱՐԱՑ ԹԵՄԻ ԵՐԻՏԱՍԱՐԴԱԿԱՆ  ԿԱԶՄԱԿԵՐՊՈՒԹՅԱՆ

անգլերեն`  ARMENIAN CHURCH YOUTH  ORGANIZATION  OF GUGARQ                                                                                      

ռուսերեն`  Молодежная организация Гугарской епорхии Армянской Апостольской церкви

1.3          ՀԱԵԳԹԵԿ-ը  գործում է Հայ Առաքելական Եկեղեցու կանոնների, ՀՀ սահմանադրության, ՀԵՀԵԿ կանոնադրության  և սույն կանոնադրության հիման վրա,

1.4          ՀԱԵԳԹԵԿ-ն իր գործունեությունը իրականացնում է Հայ Առաքելական Եկեղեցու Գուգարաց թեմի բոլոր ծխական համայնքներում,

1.5          ՀԱԵԳԹԵԿ-ը կարող է համաործակցել պետական կառավարման և տեղական ինքնակառավարման մարմինների, տեղական և միջազգային  կազմակերպությունների հետ, կնքել համաձայնագրեր, պայմանագրեր, որոը վավերացվում է թեմակալ առաջնորդի կողմից,

1.6          ՀԱԵԳԹԵԿ կենտրոնական գրասենյակը  գտնվում է  ք. Վանաձոր ------------------------ 

               

2. ՀԱԵԳԹԵԿ  նպատակներն ու խնդիրները

2.1 Նպատակները

2.1.1      Բոլոր հնարավոր և օգտակար միջոցներով սատարել Հայ Առաքելական եկեղեցու առաքելությանն ու նշանակությանը, զորավիգ լինել Գուգարաց թեմի հոգևոր, ազգային և մշակութային գործունեությանը:

2.1.2      Աջակցել երիտասարդ հայ քրիստոնյաներին սովորեու, գործադրելու և քարոզելու քրիստոնեական ուսուցումը` ըստ հայ Առաքելական Եկեղեցու վարդապետության, ծեսերի կանոնների ու ավանդության:  

2.1.3      Համախմբել Հայ երիտասարդներին և կազմակերպել նրանց ընկերային կյանքը առաջորդվելով քրիստոնեական սկզբունքներով:

2.1.4      Գուգարաց թեմի երիտասարդության համար ստեղծել հնարավորություններ հոգևոր(քրիստոնեական) կյանքի զարգացման համար:

2.1.5      Գուգարաց թեմի երիտասարդությանը հնարավորություն ընձեռնել ինտեգրվելու Հայ Առաքելական Եկեղեցու երիտասարդական շարժման մեջ:

2.1.6      Նպաստել   Գուգարաց թեմի երիտադարդների   Եկեղեցանպաստ ծանռայության մեջ ներգրավմանը 

2.1.7      Նպաստել Գուգարաց թեմի  բոլոր ծխական համայնքներում եկեղեցասեր երիտասարդական կազմակերպությունների /միություների/ ստեղծման ու գործունեությանը:

2.2 Խնդիրները

2.2.1      Հրավիրել, երիտասարդական համագումարներ, համաժողովներ, փառատոններ, կազմակերպել գիտաժողովներ, դասախոսություններ, սեմինարներ, բանավեճեր, հանդիպումներ և այլ միջոցառումներ:

2.2.2      Հեռուստա և ռադիո ալիքների, թերթերի, ամսագրերի, ինտերնետային կայքերի  զանգվածային լրատվության այլ միջոցների օգնությամբ իրականացնել քրիստոնեական արժեքների քարոզում:

2.2.3      Կազմակերպել մրցույթներ, տոնավաճառներ, համերգներ, մրցանակաբաշխություններ և զանգվածային այլ միջոցառումներ:

2.2.4      Կազմակերպել երիտասարդների զանգվածային ուխտագնացություններ Հայաստանի և այլ երկրների սրբավայրեր:

2.2.5      Ստեղծել գործուն մեխանիզմներ երիտասարդներին կամավորության սկզբունքով ներգրավելու եկեղեցահաճո ծառայության մեջ:

2.2.6      Կազմակերպել դրամահավաքներ և իրակաացնել բարեգործական ծրագրեր:

2.2.7      Ինտեգրվել միջազգային երիտասարդական կազմակերպությունների գործունեությանը:    

2.2.8      Երիտասարդության միջև բարեկամական սերտ հարաբերություններ հաստատելու նպատակով կազմակերպել համայնքային այցելություններ, տարբեր ընկերային ձեռնարկներ, միջոցառումներ  և հավաքույթներ:

2.2.9      Ստեղծել մեխանիզմներ թեմերի երիտասարդների  միջև  սերտ համագործակցություն հաստատելու համար:

3. ՀԱԵԳԹԵԿ անդամությունը, անդամների իրավունքներն ու պարտականությունները

3.1          ՀԱԵԳԹԵԿ անդամ են հանդիսանում Գուգարաց թեմում գործող բոլոր եկեղեցասեր երիտասարդաց  միությունները:

3.2          ՀԱԵԳԹԵԿ  անդամ /ՀԱԵԳԹԵԿ կենտրոնական խորհրդի որոշմամբ և թեմակալ առաջնորդի վավերացմամբ/  կարող է լինել նաև Գուգարաց թեմի  հովանու ներքո գործող այլ երիտասարդական կազմակերպություններ, միություններ, ուսանողական ինքնակառավարման մարմիններ, որոնք ընդունում են սույն կանոնադրությունը և իրենց գործունեությամբ նպաստում են ՀԱԵԳԹԵԿ  նպատակների իրագործմանն  ու  խնդիրների լուծմանը:

3.3          ՀԱԵԳԹԵԿ անդամ կազմակերպությունները անկախ և ինքնավար կազմակերպություններ են և գործում են համապատասխան իրենց կանոնադրությունների, պահպանում են իրենց կազմակերպություններին հատկանշական սահմանված իրավունքները:

3.4          ՀԱԵԳԹԵԿ անդամագրվելու համար կազմակերպությունը ՀԱԵԳԹԵԿ կենտրոնական խորհրդի քարտուղարությանը ներկայացնում է գրավոր դիմում ուղղված ատենապետին:

3.5          ՀԱԵԳԹԵԿ կարող է ունենալ պատվավոր անդամներ: ՀԱԵԳԹԵԿ պատվավոր անդամության թեկնածուի համաձայնությամբ ՀԱԵԳԹԵԿ կենտրոնական խորհուրդը իր  որոշմամբ և թեմակալ առաջնորդի վավերացմամբ շնորհում է պատվավոր անդամի կոչում:  ՀԱԵԳԹԵԿ կենտրոնական խորհրդի  կողմից ընտրված պատվավոր անդամներից ձևավորվում է Ավագների խորհուրդը (Ավագանի):

3.6          ՀԱԵԳԹԵԿ   անդամների իրավունքները.

3.6.1      պատվիրակված մասնակցել ՀԱԵԳԹԵԿ ընդհանուր ժողովին,

3.6.2      պատվիրակված ընտրել և ընտրվել ՀԱԵԳԹԵԿ Խորհրդի  ղեկավար մարմիններում,

3.6.3      ներկայացնել առաջարկություններ և հարցեր, սահմանված կարգով պահանջել դրանց քննարկումը ՀԱԵԳԹԵԿ  բոլոր մարմիններում,

3.6.4      տեղեկություններ ստանալ ՀԱԵԳԹԵԿ կենտրոնական  խորհրդի գործունեության մասին,

3.7          ՀԱԵԳԹԵԿ անդամների պարտականությունները .

3.7.1      Կատարել ՀԱԵԳԹԵԿ ընդհանուր ժողովի, կենտրոնական խորհրդի և  նրա կողմից      լիազորվաց անձի որոշումները,

3.7.2      Հարգել ՀԱԵԳԹԵԿ Կանոնադրությունը, կատարել նրա դրույթները,

3.7.3      Աջակցել ՀԱԵԳԹԵԿ գործունեությանը,

3.7.4      Հետամուտ լինել այն աշխատանքների կատարմանը, որոնց կամավորագրվել են

3.7.5      Սահմանված կարգով մուծել մուտքավճար և անդամավճար, որոնց չափը սահմանվում է ՀԱԵԳԹԵԿ կենտրոնական խորհրդի  կողմից,

3.8          ՀԱԵԳԹԵԿ այն անդամները, որոնք խախտել են սույն կանոնադրությունը և նրանից բխող այլ ակտեր կարող են հեռացվել ՀԱԵԳԹԵԿ  անդամությունից:

4.        ՀԱԵԳԹԵԿ ԱՌԱՆՁՆԱՑՎԱԾ  ՍՏՈՐԱԲԱԺԱՆՈՒՄՆԵՐԸ

4.1          ՀԱԵԳԹԵԿ Շիրակի թեմի համայնքներում  կարող է ունենալ առանձնացված ստորաբաժանումներ մասնաճյուղ, ներկայացուցչություններ:

4.2          ՀԱԵԳԹԵԿ առանձնացված ստորաբաժանումների կանոնադրությունը աշխատակարգ հաստատվում է  ՀԱԵԳԹԵԿ կենտրոնական խորհրդի կողմից:

5.  ՀԱԵԳԹԵԿ ՂԵԿԱՎԱՐ  ՄԱՐՄԻՆՆԵՐԸ

5.1          ՀԱԵԳԹԵԿ պատգամավորական ժողովը

5.1.1      պատգամավորական ժողովը Գուգարաց թեմում գործող եկեղեցասեր և այլ  երիտասարդական կազմակեպությունների  պատվիրակների համագումարն է:

5.1.2      ՀԱԵԳԹԵԿ պատգամավորական բոլոր ժողովների և կենտրոնական խորհրդի նախագահն է Գուգարաց թեմի առաջնորդը, որի գերագույն իշխանությամբ վավերացվում են պատգամավորական ժողովի բոլոր որոշումները:

5.1.3      ՀԱԵԳԹԵԿ պատգամավորական ժողով գումարվում է երկու տարին մեկ անգամ£

5.1.4      .Պատգամավորական ժողովի իրավասությունների  մեջ մտնում են.

5.1.4.1   Կանոնադրության ընդունումը, նրանում փոփոխություններ ու լրացումներ   կատարելը,

5.1.4.2   Կազմակերպության վերակազմավորումն ու լուծարումը,

5.1.4.3   Կենտրոնական Խորհրդի կազմի և թվաքնակի որոշումը,

5.1.4.4   Կենտրոնական Խորհրդի ընտրությունը,

5.1.4.5   Կազմակերպության գործունեության հիմնական ուղղությունների, նրա տարեկան բյուջեի և հաշվապահական հաշվեկշռի հաստատումը,

5.1.4.6   Պատասխանատու մարմինների զեկուցումներնի  ու հաշվետվությունների լսումը:

5.1.5      Ժողովն իրավասու է որոշումներ ընդունել, եթե ապահովված է ՀԱԵԳԹԵԿ պատգամավորների  կեսից ավելին£

5.1.6      Որոշումներն ընդունվում են ներկաների ձայների պարզ մեծամասնությամբ: Կանոնադրությանը վերաբերվող կամ այլ բացառիկ  հարցերում որոշումները կայացվում են ժողովին ներկաների 2/3-ի կողմ քվեարկությամբ:

5.2          ՀԱԵԳԹԵԿ կենտրոնական խորհուրդը /այսուհետև Խորհուրդ/

5.2.1      Խորհուրդն ընտրվում է Պատգամավորական ժողովի կողմից երկու տարի ժամանակով £

5.2.2      Պատգամավորական ժողովների միջև ընկած ժամանակահատվածում ՀԱԵԳԹԵԿ  ղեկավարումը իրականացվում է Խորհրդի կողմից£

5.2.3      Խորհուրդը գումարում է նվազագույնը տարեկան երկու ժողով£

5.2.4      Խորհուրդն իրավասու է որոշումներ կայացնել եթե ժողովին ներկա են  իր անդամների կեսից ավելին:

5.2.5      ՀԱԵԳԹԵԿ կենտրոնակա խորհրդի անդամների թվաքանակը որոշվում է ՀԵՀԵԿ պատգամավորական ժողովի կողմից բայց ոչ պակաս 7-ը:

5.2.6      ՀԱԵԳԹԵԿ հոգևոր պատասխանատուն ի պաշտոնե հանդիսանում  է Խորհրդի անդամ: Կենտրոնական խորհրդի կազմի մեջ խորհրդակցական ձայնով կարող են լինել նաև Գուգարաց թեմի այլ հոգևորականներ:

5.2.7      ՀԱԵԳԹԵԿ Խորհրդի իրավասությունների մեջ մտնում են.

5.2.7.1   Կազմակերպել և կյանքի կոչել պատգամավորական ժողովի բոլոր որոշումները,

5.2.7.2   Հրավիրել և նշանակել հերթական (արտահերթ) ժողովի տարեթիվը,

5.2.7.3   Մշակել ՀԱԵԳԹԵԿ գործունեության ռազմավարական հիմնական ուղղությունները, նրա բյուջն և ներկայացնել պատգամավորական ժողովի հաստատմանը,

5.2.7.4   Քննարկել  կանոնադրության բոլոր լրացումներն ու ավելացումները և ներկայացնել պատգամավորական ժողովին վերջնական հաստատմանը,

5.2.7.5   Սահմանել եկեղեցասեր երիտասարդական կազմակերպության պատգամավորների թվաքանակը ` ելնելով կազմակերպության անդամների թվաքանակից£

5.2.7.6   Կազմակերպել  ՀԱԵԳԹԵԿ անդամների գրանցումն ու հաշվառումը:

5.2.7.7   Սահմանել անդամավճարների չափն ու մուծման կարգը:

5.2.7.8   Փակ գաղտնի քվյարկությամբ իր կազմից ընտրել ՀԱԵԳԹԵԿ ատենապետ փոխատենապետ, ատենադպիր, գանձապահ, ՀԵՀԵԿ պատգամավորական  ժողովի պատվիրակներ, հաստատել  գործադիր մարմնի կազմը:

5.2.7.9   Պատրաստել հաշվետվություններ ընդանուր ժողովին, ստեղծել մշտական և ժամանակավոր հանձնաժողովներ, ծրագրերի իրականացման խմբեր:

5.2.7.10                Լսել և գնահատել հանձնաժողովների և այլ ստորաբաժանումների հաշվետվությունները ընթացիկ աշխատանքների վերաբերյալ:

5.2.7.11                ՀԱԵԳԹԵԿ  ատենապետի ներկայացմամբ հաստատել վճարովի աշխատակիցների հաստիքացանկը:

5.2.7.12                Հաստատել  առանձնացված ստորաբաժանումների կանոնակարգերը:

5.2.7.13                Կատարել Կազմակերպության ղեկավարման բոլոր մյուս անհրաժեշտ     ֆունկցիաները, որոնք ընդանուր ժողովի իրավասությունների մեջ չեն:

5.3          ՀԱԵԳԹԵԿ Խորհրդի ատենապետը

5.3.1      ՀԱԵԳԹԵԿ ատենապետը ընտրվում է Խորհրդի կողմից, ապահովում է նրա որոշումների իրականացում, կազմակերպում է նրա աշխատանքը,  անհրաժեշտության դեպքում հրավիրում է նրա նիստերը, կազմում է նիստերի օրակարգերի նախագիծերը,  ստորագրում  և հոգևոր պատասխանատուի հաստամանն է ներկայացնում նրա բոլոր որոշումները:

5.3.2      ՀԱԵԳԹԵԿ ատենապետը կենտրոնական խորհրդի ժողովների միջանկյալ ժամանակահատվածում փոխատենապետի և ատենադպիրի հետ միասին հանդիսանում է մշտական գործող ղեկավար մարմին,

5.3.3      Ի պաշտոնե հանդիսանում է ՀԵՀԵԿ պատգամավորական ժողովի պատվիրակ,

5.3.4      Կազմակերպում և ղեկավարում է գործադիր մարմնի աշխատանքները ,

5.3.5      Ներկայացնում է ՀԱԵԳԹԵԿ-ը պետական և հասարակական մարմինների հետ փոխհարաբերություններում,

5.3.6      Իրագործում է ՀԱԵԳԹԵԿ ամենօրյա ղեկավարման աշխատանքները,

5.3.7      Նշանակում և ազատում է ՀԱԵԳԹԵԿ հաստիքային աշխատակիցներին,

5.3.8      Կորդինացիոն խորհրդի անունից առանց լիազորագրերի կնքում է պայմանագրեր, վարում բանակցություններ,

5.3.9      Ապահովում է ՀԱԵԳԹԵԿ ղեկավար մարմինների որոշումների իրականացումը, Հաշվետու է  Խորհրդին և ընդհանուր ժողովին:

5.4          ՀԱԵԳԹԵԿ Խորհրդի փոխատենապետը

5.5.1      Ընտրվում է  Խորհրդի կողմից  2 տարի ժամկետով,

5.5.2      Խորհրդի  որոշմամբ իրականացնում են ոլորտային գործունեություն,

5.5.3      Կատարում են ատենապետի հանձնարարականները:

5.5          ՀԱԵԳԹԵԿ Խորհրդի ատենադպիրը

5.5.1      Ընտրվում է Խորհրդի կողմից 2 տարի ժամկետով,

5.5.2      Վարում է ՀԱԵԳԹԵԿ գործավարությունը, ապահովում է մշտական կապ առանձնացված ստորաբաժանումների միջև,

5.5.3      Խորհրդին է ներկայացնում ատենապետի անունով գրված դիմումները ՀԱԵԳԹԵԿ անդամակցելու համար,

5.5.4      Ատենապետի իմացությամբ ՀԱԵԳԹԵԿ անունից կնքում է տնտեսավարմանն առնչվող պայմանագրեր և այլ փաստաթղթեր,

5.5.5      Վարում է ՀԱԵԳԹԵԿ  անդամների հաշվառում,

5.6          ՀԱԵԳԹԵԿ գործադիր մարմինը

5.6.1      ՀԱԵԳԹԵԿ ընթացիկ կառավարումը իրականցվում է գործադիր մարմնի կողմից, որի կազմի մեջ իպաշտոնե մտնում են ՀԱԵԳԹԵԿ  ատենապետը, փոխատենապետը, ատենադպիրը, գանձապան:

5.6.2      ՀԱԵԳԹԵԿ գործադիր մարմնի գործունեության սկզբունքներն ու ուղղությունները նախանշվում են կենտրոնական խորհրդի կողմից:

5.7          ՀԱԵԳԹԵԿ հոգևոր պատասխանատուն

5.7.1      ՀԱԵԳԹԵԿ հոգևոր պատասխանատուն նշանակվում է թեմակալ առաջնորդի կողմից, որի պատականությունների մեջ մտնում են.

5.7.1.1   Հրավիրել Կենտրոնական խորհրդի ժողովներ£

5.7.1.2   Գլխավորել ՀԱԵԳԹԵԿ պատգամավորական ժողովը և կենտրոնական խորհուրդը և կայացված որոշումների մասին զեկուցել  թեմակալ առաջնորդին:

5.7.1.3   Վերահսկել ՀԱԵԳԹԵԿ աշխատանքների անբողջ ընթացքը:

5.7.1.4   Կենտրոնական խորհրդի հետ համատեղ գործադրել պատգամավորական ժողովի կայացրաց  որոշումներն ու ՀԱԵԳԹԵԿ կանոնադրությունը:

5.7.1.5   ՀԱԵԳԹԵԿ գործունեության վերաբերյալ հաշվետվություն ներկայացնել թեմակալ առաջնորդին:

6.        ՀԱԵԳԹԵԿ  սեփական միջոցների գոյացման աղբյուրները և օգտագործման կարգը

6.1          ՀԱԵԳԹԵԿ -ը Գուգարաց թեմի կազմում կարող է ունենալ իր սեփական կամ օգտագործվող հողային տարածքներ, շենքեր շինություններ, կառույցներ, բնակարանային ֆոնդ, տրանսպորտային միջոցներ,  դրամակն միջոցներ, բաժնետոմսեր, այլ արժեթղթեր, և օրենքով չարգելված գույք, որը կարող է ձեռք բերել սեփական միջոցներով, ստանալ նվիրատվությամբ կամ կտակի կարգով:

6.2          ՀԱԵԳԹԵԿ անդամներից ոչ ոք չունի կազմակերպության սեփականությունից բաժնեմաս ստանալու  իրավունք:

6.3          ՀԱԵԳԹԵԿ  միջոցները գոյանում են  Հայ Առաքելական Եկեղեցու, մասնավորապես, Գուգարաց թեմի  կողմից ստացված  օգնությունից,  ֆիզիկական և իրավաբանական անձանց նվիրատվություններից, դրամաշնորհներից,  կտակներից պետական հատկացումներից, իր կողմից կազմակերպված միջոցառումներից, տնտեսական գործունեության արդյունքում ձևավորված եկամուտներից,  ինչպես նաև  միջազգային և ՀՀ իրավական նորմերով  չարգելվող այլ աղբյուրներից:

6.4          ՀԱԵԳԹԵԿ միջոցները կարող են ծախսվել միայն սույն կանոնադրության նպատակների և խնդիրների իրականացման համար:

6.5          ՀԱԵԳԹԵԿ-ը կարող է ունենալ աշխատակիցների վճարովի հաստիքներ:

7          ՀԱԵԳԹԵԿ կանոնադրությում փոփոխություններ և լրացումներ կատարելու կարգը

7.1          Սույն կանոնադրությունը կարող է փոփոխվել պատգամավորական ժողովի որոշմամբ, ժողովին ներկա գտնվող պատգամավորների ձայների 2/3-ով,Գուգարաց թեմի առաջնորդի հաստատմամբ:

7.2          Փոփոխություններ կարող են կատարվել նաև Գուգարաց թեմի առաջնորդի կարգադրությամբ:

8.        ՀԱԵԳԹԵԿ  գործունեության դադարեցումը (լուծարումը)

8.1          Կազմակերպության գործունեության դադարեցումը կարող է կազմակերպվել վերակազմակերպան կամ լիկվիդացման (ցրման) ճանապարհով Կազմակերպության պատգամավորական ժողովի որոշմամբ, եթե այդպիսի որոշման համար քվեարկել է ժողովին ներկա գտնվող պատգամավորների ավելի քան 2/3-ը:

8.2          Կազմակերպության վերակազմավորումը կամ լուծարումը կարող է իրականացվել Գուգարաց թեմի  թեմակալ առաջնորդի  որոշմամբ:

8.3          ՀԱԵԳԹԵԿ-ը  համարվում է լուծարված նրա անդամներին այդ մասին ծանուցելու պահից: