Հայտնի դերասան Գրիգոր Դանիելյանը բոլորին կոչ է արել հաճախել Հայ Առաքելական եկեղեցի եւ զերծ մնալ աղանդավորներից: Պարզվում է՝ այս խնդիրը վաղուց է մտահոգում դերասանին:
«Բավական երկար ժամանակ ուսումնասիրում եմ աղանդավորական կառույցների գործունեությունը: Դիտել եմ բազմաթիվ, ես կասեի՝ հարյուրավոր տեսանյութեր, կարդացել եմ հազարավոր նյութեր, հոդվածներ, գրքեր: Եվ ուզում եմ պարտադիր ասել, որ ոչ միայն հակաաղանդավորական նյութերն եմ ուսումնասիրել, այլեւ դիտել եմ հենց նրանց տեսանյութերը, փորձել եմ հասկանալ, թե ինչ մեթոդներով են նրանք ներքաշում մարդկանց իրենց շարքերը եւ եկել եմ մի եզրահանգման»,- իր ֆեյսբուքյան էջում գրել է Գրիգորը:
«Աղանդավորական կառույցների վերաբերյալ կա ընդամենը մեկ սահմանում, որը վաղուց, շաաաատ վաղուց գրվել է ԳՐՔԵՐԻ ԳՐՔՈՒՄ՝ ԱՍՏՎԱԾԱՇՆՉՈՒՄ. Գառան դիմակով գայլեր...»,- եզրակազրել է դերասանը եւ կոչ արել. «Ցավում եմ, բայց այսօր փաստացի նրանց թիվն աճում է երկրաչափական պրոգրեսիայով: Եղեք տեղեկացված, մի գայթակղվեք աղանդներով, հաճախեք միմիայն Հայ Առաքելական եկեղեցի, պահպանեք Ձեր սեփական ԵՍ-ը, աղոթեք Աստծուն...
Աստված բոլորիս պահապան»:
0 коммент.:
Отправить комментарий